貓之>報恩<?

本答應了網友新一篇post會出關於18禁內容..但實在忍唔住..

要先多出一篇關於貓貓的post先了..抱歉(24小時內出番講sex既)

話說叮叮貓來了我家一星期...就已經在床上屙了四次尿尿..一次屎屎

果次屎屎比我用手接哂...跟住一食午餐--->嘔( 岩岩佢仲咬到我手指流血..超深傷口腫左超痛 )<叮叮就是這樣報答我對她的好嗎?!>

唉...而家見到叮叮上床就好怕...就連抱住佢都怕佢會忽然屙出黎...

唯有幫叮叮戴頸圈..再用繩綁在貓屋...繩子的長度夠叮叮去廁所食野同周圍走..

就係跳唔到上床...回到家先幫佢鬆綁...

好神奇...我外出綁住佢識走入砂兜去廁所...但就是要偷走上我床屙!!!(氣死我)

其實我覺得自己好衰...綁住左佢...我諗叮叮都一定好唔開心..

見到飛飛貓可以上床(臭飛飛夜晚已經唔同我訓..同叮叮一齊起貓屋訓..嗚..我好寂寞啊)

叮叮冇得上我床..一上黎就比我抱番落去...佢一定很失落了吧

不然為什麼每次看見飛飛上床都一定喵喵大叫 (我肯定!!!鄰居一定以為我虐貓)

講開叮叮的喵聲...佢真係真係一隻活動喇叭...可媲美7.1喇叭的聲量...

超靚聲...超超超大聲...(每天早上五時多都被她喵聲..她不喵醒你是不會停)

無論做任何時前都要喵幾聲..包括食野..上廁所..飲水...神奇啊!!

至於飛飛...同叮叮已經係超friend...飛妹會幫叮豬舔毛...

叮豬會自動行埋同飛飛痴住一齊訓...見到覺得超溫馨(我都好想變貓啊)

而家食飯睇電視都多左兩隻可愛的在走來走去..屋企多了很多生氣..

真好..屋企多了兩隻可愛的貓貓...(在我眼中我家的貓貓是全世界最可愛的說..哇哈哈)