10月3日醫院又有問題

還沒有開學前,醫院突然打來叫我10月3日去做激光~~

其實這4,5年來,做過幾次彩光~~,不過機常常壞掉,都沒有跟進

但我去到醫院,說未夠18歲要監護人簽名...不得給我做

但明明上次做說不用,我才沒有叫我媽一同同行

不過這也算了吧

寫了一張到診紙給我,叫我去下面退錢及排期

本諗住快快退錢,可以返學...學校有2次點名,如果那時返去,我點到第二次名的

不過去到,說要護士簽名

但佢又入左激光室,那我只好等

終於等到,她竟然說「我幫你寫了到診紙,入左電腦,做左野就唔可以退錢比你,如果你要錢,到診紙就唔可以比你。」

我問「咁我返學點交代呀?」

「幫你唔到,一係要錢,一係要到診紙」

咁我只好打電話問我媽,但我已經氣得哭了出來

最後我就話「,我要醫生紙,」

佢就話果張「到診紙就係啦」

我「但唔係假紙」

佢「唔寫得比你,你下午仲返到學架嘛」

我「但我而家返既係早上,返唔到早上既堂」

佢「咁都係寫上午假」

我「我今日都係返照早架啦」

佢:「你無見過醫生,又無做到激光,醫生紙唔寫得比你」

我「係頭先果個人,話要醫生紙就要等幾個鐘,我而家因為你地搞錯野,搞到我趕唔到返學呀」

佢「咁我要問問醫生先」

果時我媽打黎,我特登大大聲講,「佢唔行比醫生紙我,我咪退錢lo,學校當我抗課,畢唔到業,一定係哩間醫院既錯」

最後佢比左我啦..而學就趕唔切啦....足足咁就搞左成個鐘

醫院成日出錯,連一d手續都搞到唔清唔楚,浪費人地時間,不負責任

單單因為寫張紙,就要60蚊?唔好去搶?

如果一早講清楚,我都無咁嬲

但係係到哂我時間,唔該哩d醫務人員帶個腦返工,同埋醫院係咪應該諗清楚,邊d人先岩係醫院做野?

係哩件事仲知道,上次激光[其實只不過係彩光]無簽名,又有一個過失

哂我錢哂人時間

係醫院排做激光既..十個有九都只不過係一個細小,又唔顯眼既胎記

到底咁係咪浪費資源?

我額頭一大個,面上一小個,但其實比起其中一個做既小朋友仲要深色同大

但我面上果個,醫院係話唔會幫我做既

係咪有問題?

有次我見到有個係係腳到,其實係咪有必要?

佢排左我17號做,但我決定我唔會做了

唔想哂錢哂時間

就算做左,都唔一定成功

而且大家都知,我地根本整個身都係

消除左一個,身上仲有好多個,仲有好多新既等住自己呢~~