裙褂 I

上星期六同媽媽, lo lo 一齊去元朗搵租裙褂同 mama + lo lo 衫嘅公司. lo lo 就想我嘅裙褂, 兩個 mama 同佢嘅衫都喺元朗一間攪掂哂, 但係我就想我嘅裙褂可以喺上海街租, 因為 Mandy 話家荃果日都係咁, 同埋睇過網上 d 人都不停讚上海街果 d 好, 元朗就好多人彈. 不過點都好 la, 都係自己睇過至知嘅.

先去元朗嘅第一間, 佢無 d 人講得咁 push, 佢同我介紹完一輪之後都比我試左一 d, 我地當時意屬褂后. 不過佢租一件褂要$2xxx. lo lo 就馬上同人傾價錢, 我就覺得貴, 因為 Mandy 話上海街頭褂都唔洗$1xxx, 而且 d mama 衫又唔係好啱. 離開左之後媽媽就話 d 裙褂有 d 舊 tim.

第二間, d mama 衫係好過第一間, 不過 d 褂好核突, 好舊. 真係試都唔想試. 不過 lo lo 叫到, 試下 ka 咋. 唔怪得租$2xx la.

到第三間, 呢間係我細佬結婚果陣租過嘅. 我地之前都有 lai 過, 佢地多左好多新衫, 包括 mama衫同新郎衫. 我有睇過 d 褂, 係新淨過第1同第2間, 不過 d 款就唔係我想要嘅. 唔知點解硬係覺得第2間同第3間的褂嘅繡工唔係好好, 雖然我都唔識, 不過感覺上真係唔多啱.

可能我真係好想去上海街睇掛. 睇下 la, 又唔一定會租, 結婚都唔睇, 幾時睇 wor.

所以就同 lo lo 出去旺角 la.

搭左一架好慢嘅小巴, 睇住 d 時間係咁過, 我怕趕唔切去到 d 鋪頭呀, 人地就收工 la. 我唔想再下一次睇呀, lo lo 好唔耐煩 ka. 難得佢今日肯陪我睇咁多間. 頭先第3間佢已經想ok ka la.

lo lo 叫我唔好心急wor, 好 la 好 la.

喺車上面, lo lo 同我分析唔要褂后嘅好處. 但係我想要繡得密 d 嘅褂. 不如等陣請教一下鋪頭 d 人 la.

好彩都趕得到, 第4間個女人唔多想招呼我地, 只係比 d 相我地睇, 又話最近好日子, d 衫都比客租晒封好左, 唔方便攞出 lai 比我地睇, 連想睇下佢地 d 褂嘅新淨程度都話無, 一件都無喺手, 剩係叫我地信佢d褂好新淨, 仲話可以4月至去睇 wor. 咁算 la, 你咁好生意. 不過至少知道呢度嘅褂后都係$6xx.

第5間, 呢間就係家荃租果間 la. 一入到去已經見到有人試緊, 件褂唔係繡左好多野, 甚至有好多地方都係紅色嘅, 不過可能係新嘅關係, 已經好靚, 好閃, d 圖案都好出, 仲搶眼過第一間嘅褂后. 我同 lo lo 都好有同感. 佢比左 d 相我地睇, 又問我想要 d 點嘅款, 我話我想要繡得密 d 嘅褂. 之後佢就攞比我睇 la. lo lo 呢個時候又提醒我要先請教左人地先, 所以當佢攞左出 lai 之後, 我又再問佢 lo lo 嘅分析, 點知連佢都話 lo lo 啱 wor. 仲話好多女仔開頭都好似我咁諗. 之後佢叫我試左件"中福"先. 真係好靚, 好啱我, 因為佢話我比較白. 多 d 紅氣會令我顯得精神 d. 之後佢叫我再試"大福" um............. too much la. 都係"中福"好!  真係顯得精神 d.

由於我地都好中意, (可能剩係得我好中意) 所以就問佢價錢 la. 同樣係"中福" 如果係租過有7次左右就 $4xx, 如果租過1-2次就$6xx-$7xx. 如果係頭褂就$9xx. lo lo 話差$2xx, 不如頭褂 wor.

而家同我地訂布, 3月中去度身.

用左半日時間睇, 最後喺最後一間用左10分鐘就落左訂.

 好彩有 Mandy 話我知咋!