買聖誕禮物@黃埔

先嚟潁潁近照

11-14號, 爸爸,媽媽放假.

11號, 潁潁要返學. 爸爸,媽媽難得放假當然要接潁潁放學啦

(爸爸都係第一次接潁潁放學炸.) 之後等潁潁瞓覺後,

我地兩人就去咗同婆婆飲茶同剪頭髮. 原本打算之後爸爸,

媽媽去慶祝結婚周年. 點知SITI姐姐打電話比媽咪話:

潁潁發燒仲係一百零五度. 爸爸當然勁擔心. 打算飛車返去.

但未飛車之時. 原來是100.5唔係105度. 可能媽咪太緊張聽錯.

不過我們都返咗屋企, 同潁潁睇完醫生再去慶祝.

其實原先打算放假, 希望可以同潁潁去睇燈飾.

但係潁潁發咗2日燒, 所以LEE幾日都無去到. 但係幾日假無理由唔同潁潁去行吓街

假? 所以星期日, 爸爸、媽咪、E E同潁潁一齊去黃埔買聖誕禮物.

好耐無揸車去黃埔. 原來E +消費$200就有3小時免費泊車. 抵!

(不過今次爸爸真失敗. 枉我有泊車鏡頭 + 泊車感應. 竟然倒後撞落幅牆到….  唉! 真失敗, 咁就KO咗尾bumper)

點都好, 今次都買 到幾份聖誕禮物. 不過計埋整車成本就貴咗好多.

14號, 爸爸拿拿淋帶車車去睇生. 一次醫好晒. 係等攞車ge時間,

爸爸,媽媽就去旺角買嘢佈置屋企. 先去相.

因為部dc係多年前產品+上爸爸唔識影相, 所以d相怪怪地.

但現場開咗射燈睇實物真係靚好多. 等遲d買埋聖誕樹咁就佈置完畢!