長命會

今日開左個長命會... 由朝到晚, 無停過, 連食都無時間。又或者應該咁講, 係有d時間去食, 但無胃口... 背脊骨落。

朝早無時間食早餐, 中午快吞左半份三文治, 到五點先食左幾粒燒賣, 一路到十點先食晚飯。對住我黎講, 「食」係好緊要架... 但....

其實好怕同日本人開會, 佢地d英文卷晒脷卷到七彩, 要打醒十二分精神聽... 咁先最費神。

估唔到一個會, 可以開足全日, 返到公司又再繼續做, 開晒turbo咁... 要響最短既時間做晒最要clear既野... 跟住要好快咁走人... 因為唔想再留到咁晚。

捱埋聽日就可以抖幾日... 但放假好可能仲累過返工。