今晚入左場睇南華...
本來都驚今晚會趕唔設收工入場, 好彩今日D野都叫SMOOTH... 7點就走左...
返屋企換左件紅衫, 知道搭的士一定塞爆車, 去左搭地鐵... 一出地鐵站, 條街上面好多人都著紅衫... 心裡面有一陣感動。
在路途上, 朋友打俾我話無晒飛賣, 我O咀! 即係FULL HOUSE? 又再一次拉紅旗, 不過今次唔再係旺角場, 而係大球場! 各位舊戰友, 你們做到了, 終於坐爆左個大球場, 恭喜晒! 遲左少少入場, 已經開緊波... 入左場, 見到阿修, 睇黎你都係同我最有緣架啦, 咁多個唔見我撞到, 係要俾我撞到你, 整定你有我呢個朋友, 真係無運行! 哈哈!!
搵返自己個位, 同事買左丹麥雞脾俾我食, 好感動~~ 佢地響丹麥排緊隊時話前面有50人響佢地前面... 我去到仲有雞脾食, 你話感動唔感動?!?! 一邊睇一邊咬住雞脾, 真係好好FEEL, 再加上係FULL HOUSE, 一片紅海, 更好FEEL。HAHA!
好驚一邊咬雞脾, 突然南華入波咁點算? 拎住隻雞脾FING FING下YEAH晒咁? 於是拿拿聲食晒!!~ 好味好味好好味!!
雖然今晚FULL HOUSE, 好開心, 但又真係好嬲~~ 明明係12碼又唔判... 都算!! 明明無越位, 死都要話人越位... 真係空歡喜一場... 真係好嬲!! 我好明白足球就係咁, 但都唔係咁唔公平囉!! 球証真係好廢~~ 真係抵俾人搵野掟...(雖然咁做係唔岩!!) 不過我真係第一次見到真係有球迷激到掟晒汽水, 紙呀個D野出黎... 我個位都爭D中左杯汽水!! 唉~~~ 冷靜D冷靜D.... EMILY在咪中說的話很對, 我們香港人應該要有風度, 做返應該做的事, 而不應衝動掟野影響香港的形象。
到80幾分鐘, 客隊入波... 真係呆Q晒... 唉~~~~ 第一次響香港感受到主場既威力, 就算客隊入左波, 球場上面係唔會有人為你歡呼架... 好靜好靜, 淨係得客隊既MANAGEMENT在VIP BOX度歡呼...
到完場個下... 又掟野... 唉~~ 好鬼驚... 好想留響個位度拍多幾下手俾南華, 但都頂唔順, 9秒9離開... 真係唔想中招!!
ANYWAY, 今晚場波, 唔公平唔公平唔公平, 但我覺得南華已經嬴晒... 球員踢得好好, 嬴到好多之前無入場睇波既球迷入返場, 留意返本地波... 已經係好成功... 繼續加油吧!!
一毫子 2009-10-26 02:21
我都入左場...終於拎返10年前南快大戰&南華對曼聯D感覺...
Wowachai 2009-10-23 22:57
多多，你有男朋友未呀？
小米 2009-10-22 20:06
Matthew 2009-10-22 17:33
dan chan 2009-10-22 16:30
哈 原來妳都有入場睇波！！可惜撞唔到妳喇！！
但真係黑哨到咁 真係無話可說
同之前烏茲別克staff所講的 This is football...原來就係咁....
宜家唯有望南華職球員上上下下努力為下屆而戰
現在才是開始!!!!
Vicky 2009-10-22 12:20
你琴晚早左走啦,我地臨最尾係球場外勁叫"黑哨 !!" "南華!"甘 .好high~我地係果度應該都有有幾千人唔肯走~岩岩撞正tvb,仲一齊叫"黑哨!we want fair play甘~"最後仲係條路撞到南華球員,仲一齊拍手掌tim ,場面勁感人...
dor2009-10-22 12:59
adymeimei 2009-10-22 12:19
要加油...支持.
二人@異地 2009-10-22 04:16