向台北出發 - 第一天

一早起身把最後要放入行李箱嘅東西都pack好, 跟住每人食咗個杯麵就出發啦! 不停問老公同亞囡有無嘢未帶齊, 諗清楚d, 不停話無呀無呀, 結果......(遲d講)! 

落到樓下, 上咗車準備開車, 見仲有時間我再問問有無嘢未帶, 老公終於話:「本自由行天書呢?」心諗......乜唔係你一路keep住咩? 佢即刻落車走返上樓, 與此同時, 亞囡又話無帶甚麼乜東東, 唯有叫佢打比老公幫佢一次過攞埋, 唉......都話架啦!

事前check定, 知道機場泊車有優惠$300可泊5天, 去到機場10:25, 起飛時間係12:05。臨入閘, 緊係要食藥丸先, 如果唔係耳仔唔得掂。

好快就到咗桃源機場, 台證之前己辦好唔駛再排, 填好入境申報紙就排隊過關, 條隊都好短姐(因為好多人要換台幣又要搞台證, 好少人排隊過關), 竟然有人打尖, 雖然係打我前面嗰個人尖, 但都不能容忍, 見前面一男一女咁"鵪鶉", 齋望住個打尖女子又唔敢出聲, 我就越激氣, 打尖女子係用中國內地passport, 於是我就同佢講普通話叫佢去後面排隊, 佢仲扮傻話唔係有兩條隊咩? 緊係唔係, 再怒望多佢兩眼, 佢就死死地走去最尾, 扮傻行遠d唔好比我見到! 

攞完行李, 就跟指示牌行去買飛狗巴士車票(即建明), 單程$125一位(無買來回, 到時彈性可以大d)。以下就係買車票嘅counter, 預早check清楚邊一條(間)巴士線arm你先好買, 唔好求其揾一間買呀, 我住國聯, 只有飛狗會經。

買完票行出去就見到候車處(好似係#52), 唔緊要出到去行前十數步就係。

約一個鐘車程就到, 春水堂(出名飲珍珠奶荼嘅店舖)門口落車, 過一條迷李嘅橫街小馬路(約十步路), 酒店嘅職員就已開定門等你了。酒店會要求用credit card做deposit(不會過數, TWD3,000, 放心), 好快就攞咗房, 不過唔好彩個房無view, 見過網友住嘅房望到101, 算啦, 都唔得閒欣賞! 酒店lobby係有免費coffee供應, 睇:

房間比我想像中大好多, 放咗三張床仲可以有好多位可以行來行去, 三個人三個行李箱開晒都放到有突好多位

浴室都算大, 全雲石, 唯一不喜歡個浴缸, 甚麼法式有腳浴缸, 太高啦(我個子很少罷)上落不太方便。

放好行李, 即刻出去, 出門口左轉入橫街, 不遠已是捷運國父站, 一人一張悠遊咭先, 方便周圍去嗎!

第一站去西門, 點解台北嘅捷運站咁大、指示又清楚, 相對港鐵......

去到亞囡就揾菓風小舖買埋晒d無無謂謂嘅小吃(我都買咗少少, hehe), 跟住老公就去老天祿排隊買鴨舌, 我就去屈臣氏買Integrate, 點解好似仲平過喺日本買嘅!

酒店房內拍攝, 燈光差d......

夜晚走咗去師大夜市, 無食豪大大, 食咗另一間, 但唔記得名, 個人覺得好食過豪大大, 有肉汁, 另食咗意仁豆花, 好正!

春水堂就在酒店隔離, 回程當然順道又嚟