向台北出發 - 第二、三天

一早緊係去酒店lobby食早餐, 有意外驚喜, 聽人講台灣d酒店所包嘅早餐不要寄望太大, 但國聯嘅真不錯, 有:  yogurt, cheese, omelett, 牛角包, 法包, toast, hotcake, 炒蛋, 煎蛋, 白粥跟日式嘅多種配菜, 麵豉湯, 蕎麥冷麵, 炒菜, 腸仔, 蒸包, 薯餅, 炸魚, 又有四、五款水果等, 不能盡錄......早餐來說真不錯, 唔記得影相, 呢碟係老公食到尾先影嘅。

跟住就去咗國父紀念館睇換兵

睇完就去咗就近嘅big tom食雪糕, 佢地食雪糕嘅匙係好特別架, 有d一粒粒突起話可以剌激味蕾,

Combo TWD140.

再去埋101

之後去咗shopping, 亞囡要買love life t-shirt, 所以去咗新光三越, 行齊幾間館, 腳都軟, 竟然最開心係行supermarket, 有好想買嘅豬肉紙 (唔駛軔登去專門店, 價錢一樣, 買夠twd3,000可以退稅5%, 仲可以夾單), 見mane'n tail洗頭水平香港好多忍唔住重都要買大大支返嚟

shampoo(特大裝)+conditioner 係twd299 (即hk$7x), 香港齋買普通size一支都要hk$88.

接住係例行行程, 度小月加鼎泰豐, 食到飽飽坐taxi返酒店歇一吓放低d戰利品, 又再食食食, 行行行......

第三天, 食飽早餐就出發去木柵動物園, 入場twd50 (可以用悠遊卡, 即hk$11x), 點解人地咁平, 香港想睇隻熊貓咁貴, 唔知係唔係祖國精心挑選嘅關係, 兩隻熊貓都比ocean park嘅活潑, 不是只訓同食, 你有無見過安安、佳佳、瑩瑩、樂樂打波?

睇完動物就坐taxi去咗深坑食豆腐, 金大鼎真係好味

行入d再揾邊間多人食嘅(taxi司機教)再坐低食

成條街都充滿臭豆腐味(我不喜歡吃臭豆腐, 正確來說係從未食過, 但我係一個豆腐痴),

仲未夠, 再食埋豆腐雪糕, 食晒架啦, 攞個吉盒影相咋, 深坑豆腐味最特別

食飽就去揾薑母茶, 受同事所托話喺深坑呢處買, 但揾來揾去又問人都無, 無辦法啦, 好彩之前喺台北捷運嘅地下街見到有, (不過唔係同事所講嘅brand)買定幾包做保險:

最後乘的士到動物園再轉捷運去咗行街, 又不停買不停食。夜晚走咗去士林夜市, 老實講真係去見識吓架咋, 忠誠號嘅蚵仔煎同花枝羹好唔掂, 豪大大雞塊ok啦, 下次唔會專登去食囉!

反而途經西門見到胡椒餅, 買咗來吃, 這個就非常好啦, 好多汁飛出嚟, 搞到件衫......唉! 算啦, 都值嘅真係好好味

良品牛肉麵, 唔錯, 我食清湯, 真係好清, 麵好有咬口, 咁又一日......