SKII - Skin Signature

之前收到SKII嘅會員優惠, 去攞咗呢套試用裝, 當然無其他SIS佢地中獎嗰份咁正, 但都好過無。

其實我當年都係睇琦琦賣廣告咁吸引而開始用我第一支神仙水, 都成十二年前嘅事, 當年全條LINE買齊, 真係老公、家姐、同事、朋友都發覺我嘅皮膚有明顯嘅改變, 個個問我用咗乜東東點解D皮膚好咗咁多, 我都係答多謝琦琦。但用耐咗又或許自己貪心, 希望無止境去改善, 但又開始覺得沒多大嘅改變(也許已到了極限, 還想怎樣?), 於是靜極思動要轉一轉, 把用了五、六年嘅SKII一吓子轉了別的品牌, 至今已轉了不知多少個BRAND啦。今年年頭才重新再把神仙水、cleasing foam帶回家, 其他「朋友仔」就睇定d先。

個skin signature只有2.5g, 我由26/8晚開始用(配合skii嘅cleansing foam, clear lotion 同神仙水只於晚上用), 到6/9晚最後一次用清啦, 嗰幾日早上塗foundation都覺特別上妝, 皮膚好像是好了點, 毛孔細了,  滑了, 不過宜家用晒啦, 我會繼續將舊版sign treatment(都係sample裝, 共有20g)頂上, 睇睇效果, 或許又會將佢其他「朋友仔」帶返屋企團聚!