今天有點藍....

30Sept2009

好耐好耐冇寫Blog looo...因為工作比以前忙...連偷雞上網睇新聞o既時間都少左...返到屋企...又有一大堆戲,劇集同康熙來了等緊我...所以...更加唔想花心機同時間去寫....

今日係public holiday o既前夕...完全冇mood做野...+上只訓得2個鐘...真係做咩野都會好好好好想訓...

自從中Sir搬左新竇之後...我同言先生就會久唔久上去打攪打攪...especially我地10月31要出show同埋要計劃The Dummy o黎緊o既工作, 所以會花更多d時間去中Sir度傾野....佢地夾band練習新歌o既時候...我就煮飯比佢地食...haha...真係好耐冇煮野比人食呢...話比Fiona聽佢仲好似覺得好難以置信tim...haha...都叫你地唔好睇外表架啦...我唔講得上煮野叻....不過at least唔難食仲煮得好乾淨企理架....尋晚我就煮左油菜, 蛋花粟米湯同牛丸炒烏東....下次可以再煮下其他野呢...

食完飯再夾多一陣...我地就上左中Sir o既私人天台開會...3個講下講下又講到3點幾...沖埋涼攪埋d野都5點30....OMG....佢地2隻野仲得緊機...梗係啦...佢地又唔駛返9點30....不過好朋友有個私竇一齊吹水一齊玩...感覺好好....

唔知點解今日特別覺得自己離幸福好遠....今日特別多感嘆...

我發現自己o既人生的確比其他人較多采多姿...其實...係咪真係需要咁樣??...有時真係唔明自己點解唔可以安份d甘於平凡d....但係人生真係冇take 2....我真係希望盡我能地去豐富d精彩d.....至少我有努力嘗試去追求自己o既興趣同夢想....而唔係hea下hea下咁就過一世...我諗我老左會覺得好遺憾....