油畫初階 ‧ Lesson 1

19Mar09

星期一終於從北京回來....第一次真正遊覽神州大地...參觀了故宮,長城,頤和園,圓明園,天壇,明十三陵....覺得中國人真係幾了不起....

北京的相片我們2個人總共拍了差不多一千張...太誇張...haha...所以仲未有時間整理同upload....如果upload所有相的話....應該很大工程吧....

在北京或回來以後...一直都沒有時間好好休息....每天只作息3小時左右....都沒有好好咁訓返起碼12小時....即使去北京旅行...由於景點多數4點30關門大吉...所以每日都要6點30-7點起身....比平日返工還要早起呢....回到香港要上油畫堂要同The Dummy開會...每晚都3點多先訓....星期日一定要訓餐飽...

尋晚放工後就去何文田上第3堂油畫班....今次終於可以動筆喇...先睇完老師的簡單示範...之後回到自己的畫板好好發揮喇....心情有少少緊張....因為從未畫過油畫....擔心會畫得唔似...雖然見老師畫得好似好隨意好簡單咁....但係自己一執筆就覺得好難好隨意咁畫呢...總係好正規地順住同一方向油油油....同埋在顏色控制,打光影方面都好似做唔到老師的效果....一直畫一直加顏料上去都好似欠缺某種野咁...於是忍唔住向老師求救....發現原來近距離/遠距離望住自己幅畫係會有分別呢....難怪我總係覺得點解畫來畫去都同老師畫的有分別....之後老師再教我點樣上色凡營造光暗的效果...hm...我覺得自己開始領悟到....

 人生的第一幅油畫作品....不過由於自己太要求完美同新手畫得太慢....所以唔夠時間完成...(大部份同學仔都準時完成)....我仲因為趕時間攪到油背景顏色o既時候攪到個橙右邊畸形....下堂老師又話唔可以再畫....真係超可惜....不過見到自己人生第一次畫的橙...都覺得唔錯...幾有成功感...hehe (不禁暗裡讚下自己仲保留一點點畫畫天份)

搭車返屋企的時候...一直心有不甘...唔想自己第一幅畫的油畫就係未完成作品....感覺唔多"老黎"....haha....於是一返到屋企...見仲係9點多....自己就擺陣...畫板就用熨衫板頂住先....hahaha.....畫左2個幾鐘終於完成....不過對比返第一幅....個橙好似太過滑溜, 光影位好似又假左d咁...感覺第一幅立體感強好多....有時間等我返去再執下先....

期待下一堂....好玩呀好玩呀...

 改良版....