小高b一百日大啦~~~~~~~

10月23日就係小高b一百日大啦...

真係不經不覺原來小高b成3個月大啦....

0岩0岩出院番屋企同而家剛剛影0既相比較

個樣真係唔同晒...唔怪得人地話bb仔個樣日日都唔同

一定要好留心咁捕捉佢每一刻....

左上:剛出院

右上:剛滿月

左下:兩個月大

右下:三個月大

而家小高b開始玩口水啦...成日嚮度噴口水波波

可能而家望得越黎越多野....搞到佢越黎越八卦....(好似唔似呢0的又似足我)

同埋佢而家得閒就會唱下歌仔...有時會坐嚮度同佢傾下計嫁

最緊要係佢而家開始識捉實0的野黎玩

床邊掛住左兩隻公仔,,,佢每朝起身都會掹下佢地隻腳仔嫁..哈

好彩到而家都未識得轉身,,,如果唔係就真係要加倍留意佢丫

不過小高b一百日都無乜點慶祝,,因為婆婆同公公都不在港,,

過去呢兩個星期我終於做番一個真正0既小高媽啦

(因為之前多數都係亞娘湊,,)

好彩小高b都幾乖(唔好俾佢聽到我讚佢,,唔係佢小氣丫)

都唔係好難湊,,,我都仲有0的私人時間黎煮飯, 打機,,呵呵...

小高b記住之後都要咁聽話丫..知嗎....