水機換水

平心而論,公司有水機,規矩就係邊個裝最後/見到冇水就去換水,而個時老闆就話如果我地0的女0既唔夠力可以叫男同事幫手!又或者根本男人見到女0既換水都應該自動自覺話幫手去換水!

今日明明睇住"坦己"裝晒水機0的水就走左去!原本我都諗住忍住唔飲水,但係冇可能嘛,我會口渴呀!咁又冇水,即係要換啦!上次個支已經係我換,今次都係我換!我換水個陣,老闆啱啱行出黎,見我換水,問我要唔要幫手!我差少少就搞掂啦!不如我換埋佢啦!

當我換好水之後,"坦己"就拿拿臨出黎裝水!0的人真係,有冇搞錯呀!明明自己裝水裝最後又唔去換水!等我換左水就拿拿臨出黎裝水!佢過唔過分0的呀!人地係度換又唔話幫手!換左就即刻出黎裝水飲!

OK!如果你係女的話我唔同你計!但係你係男黎0家!自己裝晒0的水唔去換已經唔係第一次啦!次次都係咁!一係見呢邊冇水就去對面裝水!再唔係,換水只會係高層面前換!博咩?博表現呀?

我唔係話換水一定要男0既換!咁最後裝0既人去換都應該丫!咁如果飲晒唔去換咁下個人飲咩呀?

都未見過0的人咁自私!