呢個星期竟然有隻烏繩飛左入公司,如果我冇記錯,應該係星期一飛入黎,到左今日星期四都仲係公司,真係....唔解決佢個個都唔係我!
再講我今朝一入公司,隻死烏繩係咁係我身邊飛黎飛去!搞到我都煩埋!原本諗住放佢一馬,俾佢係我身邊飛多2轉,我就決定要搞掂佢!
正當我同會計講緊野個陣,我見隻烏繩飛左係張枱度,個時我手上已經拎住把間尺,話口未完,手起間尺落,"啪"一聲,烏繩即刻係張枱度跌左落張凳度----死左!
哈哈~終於俾我搞掂左佢啦!哈哈哈哈~
估唔到,會計竟然話我心狠手辣,我都係為左大家咋!再講隻烏繩都應該飢左3/4日,佢都手軟腳軟啦!唔係我點會咁容易打死佢丫!
Stella 2008-11-14 00:17
我冇俾野佢食呀....隻烏繩應該係聞到我的香水味,可能甜瓜,咪飛埋我身囉...
都唔係扁晒0既,扁左一半身之嘛......哈哈哈哈~
pipi 2008-11-12 16:39
你做咩俾野佢食?
唔係呀, 打扁咗, 應該爆肚喎, 咁核突, 張相要打格仔先得.
Stella 2008-11-11 23:32
哈~個日隻烏繩已經餓到手軟腳軟啦~
本來都諗住放佢一條生路,點知佢個朝就係咁飛埋我身邊!唔知係咪有香味吸引左佢!所以......
哈~隻烏繩真係扁左0家!本來都想影相,但係諗諗下都係唔好啦.....
pipi 2008-11-10 11:22
好眼界, 把間尺咁幼都可以拍中隻烏蠅，勁~~
下次不如試下用筷子夾烏蠅. 嘿嘿~~