網誌分類：咩人都有! |
某人依家日日返工就成9點半先返!冇野做就準時6點正走!仲要係公司食埋晒0的好大陣味0既早餐!好老實講,依早餐呢樣野,係自己食先唔會覺得陣味有問題!但係其他冇份食0既人就會覺得好難聞囉!正常人都會係咁覺得!正如你食緊燒賣,當然你覺得燒賣好好味!但當係坐係你隔離個人食,你就會覺得陣味好難聞!都唔知點解會覺得燒賣好食!
再講呢間公司0既office hour係朝9晚6 喎!咁即係間接做少半個鐘!?真係發達囉!但係我呢!就日日朝9晚6點半!6點半走仲要好似唔應該咁!
冇野做就坐係度,慢慢"嘆"餅乾,朱古力,糖,,雪糕...仲要食到成間房都係膠袋!如果係我,我一早俾人話,好將0的野周圍放,唔執好佢!某人0的野周圍放,仲狂食零食,仲要有人幫佢執膠袋!幫佢執膠袋個個人都唔話佢!某人份工就真係好!
大家都係同一間公司做野,點解待遇會差別咁大!
好似今日咁!打風!老闆一話可以早0的走,某人就拿拿臨熄電腦走人!雖然係住將軍澳0者!駛唔駛4點半就走呀!日日走到好似滾水碌腳咁!
Stella 2008-09-24 20:11
梗係冇啦!老闆冇10點都唔蒲頭呀!
我點知佢知唔知呀!可能知!可能唔知!佢叫人打咭都廢0既!佢都唔睇!都唔知打黎做乜!
某人今日一早仲係公司食排骨飯做早餐添呀!0的人都不知幾過份!
pipi 2008-09-24 15:21
點解你老闆唔問口話某人?
佢日日返晏半粒鐘, 老闆知唔知架? 會唔會扣錢?