家有小魔丁

自從送走cheers 之後一直都好後悔,好想見返佢!
每次見到cheers既哥哥樂樂既生活照我都好想睇見佢長大!
每次我都會諗依家佢唔知過得好唔好呢.....

呢種情緒一直都揮之不去....
一路都不能自控咁留意d 芝bb ...
不過我都同過自己講要等搬左出黎先可以養第二隻

直至到2jul09 我放假 係元朗漫無目的咁周圍行...
俾我見到寵物店有5-6隻長毛芝bb...
而我一眼就望到你.... 好鍾意好鍾意好鍾意!
諗左一日...都係無帶你返屋企

過左一星期諗住你實俾人帶左返屋企
點知你居然仲係度!個下真係好開心!!好似中左六合彩咁!

然後...隔左幾日..你仲係鋪頭!!...真係好難再控制自己

好彩不知不覺已經返左屋企2個月喇!
好多謝呢度時間糖媽既支持同鼓勵...
好多謝媽咪忍受阿丁朝咁早食早餐!..
好多謝肥妹今次接納左好多!好多!

我知我係任性，不顧後果!不過...失去過一次,而有機會遇到第二次
我唔想又後悔............ 而我亦都無諗過會係寵物店遇到呢個小朋友!

anyway,有左上次ge經驗,我會努力!! 我地三個都會好努力!!
----------------------------------------
由於我初初返屋企ge 時候,個樣好似公仔一樣!
所以家姐諗住叫我做公仔面! 媽咪聽到後話不如叫一丁!
於是我就叫左一丁啦!
但係短短2個月因為我既德行,我已經有丁爺同埋魔丁既稱號!
我估大家都想像得到!

我每日都會帶唔同ge驚喜俾家姐!
例如細個時成個波咁坐係個飯碗度,細細個已經天不怕地不怕跨越同家姐GE 隔膜!
又例如一腳踏落個飯碗度飛哂D糧出黎再逐粒食返哂 =.=
當然唔少得小朋友必經階段咬尿片喇.... 包括尿片碎屍案
不過我呢個非一般ge小朋友梗係唔止咁簡單!
我試過將尿盤拉左出黎! 然後反轉左遮住自己篤吾吾....
拉左個尿盤出黎但係又識得走入籠痾尿等等.............

初初2星期我都係係個籠度生活,因為係寵物店返黎怕我有傳染病會搞到藥煲家姐
初頭我都好乖ge...無嘈...家姐仲以為呢d就係住家同係街養開ge分別!
點知.......之後就知味道la .... 我仲未轉聲所以把聲好尖ga!
搞到家姐要走去隔離鄰舍度同佢地講唔好意思...會盡快教好我!

而且我仲同cheers家姐一樣,鍾意早食早餐!! 5點幾la...
家姐依家唔較鬧鐘都知醒la.....因為有我ar ma!

我仲有一樣非同凡響ge 習慣!
就係我唔會一食完野就即刻痾! 家姐等我一粒鐘我都唔會痾 =.=
佢甚至懷疑我d腸係咪打左結所以成日都咁耐先去廁所!!

至於我同肥妹姐姐ge 相處呢...初初我都會咬佢條尾....而家姐又點會俾我得逞呢!
所以我依家已經學識食野要家姐先,只可以咬玩具 唔可以咬肥妹姐姐
我已經係圍欄有自己ge小天地,到我出黎玩ge時候都可以去聞下姐姐,
我試過咬住d 玩具俾姐姐同我玩,不過當然佢唔會好理我...

不過我有信心遲d 我地會一齊玩ge.........!

好啦...講左太多我既德行俾大家聽!
大家睇下我既新面目la! 





頭昂昂係咪好smart

型仔到呢...少少年紀已經一陣佬味!又帶點童真! 掂ar!