網誌分類：婚前記 |
我就癲啦!!!
攪結婚真係好煩!!!!!!
好多野攪不單止,仲要好多人煩住你!!!
我屋企兩老唔知成日喺屋企做咩架喎!!
完全冇溝通架喎!!!
有咩事就等我返到屋企先攪!!
好少事都唔自己整架喎!!!
好似話d帖唔夠,
又唔一次講晒,
上次已經攞咗幾張返去,
老豆今日又摧我攞,
我話上次咪攞咗返黎囉!!'
原來係媽媽立住又唔話比老豆知!!
跟住老豆又成日都話我唔整好d帖比佢,
大佬呀!!帖我咩都整好晒,
爭張餅咭冇放埋啫!!
而且d餅咭喺晒阿媽度,
你咪自己問佢攞囉!!
佢又唔會架喎!!!
係一味喺度哦你架咋喎!!!!
宜家d帖都唔知夠唔夠派添呀!!!
大少爺又係,
咩都係我叫佢做,
但自己又好話我拖住d野,
我都只不過未再book試多次妝咋喎!!!
而且都未plan幾時整頭,點book試妝呀?!
佢自己咪又係好多野未攪!!!
咩都我整!!
簽名筆..rundown...人名表...小禮物...整遊戲都係我!!!!!
我做得幾多野呀?!
叫佢預計吓要斟幾多親戚,佢都淨係一味話計唔到....
大佬呀!!!
咁叫人點plan rundown呀?!
叫佢哋嗌d親戚盡量7點前黎斟晒d茶去,
等時間好預d黎影相,
佢哋又話冇可能咁叫人喎!!
唉.....我都冇眼睇啦!!
總知果晚就會一個亂字啦!!!
阿糖 2008-12-24 15:52
Hon Hon B~ 2008-08-17 23:51
專業製作油畫 / 婚紗相簿 / 簽名布等等...有興趣可以進來看看哦!!!
http://hk.myblog.yahoo.com/honhon-b
sos 2008-06-12 20:06
自己屋企人都易溝通 d...
最慘係我 bf 屋企 d 人麻煩, 搞到我好炆~
Miko 2008-03-23 00:52
大頭妹 2008-03-20 09:00
慢慢來
結婚不只是兩個人的事
而是兩家人的事.
別心急.^^記住是開心的事.
串燒美人-kristy 2007-10-06 10:23
加油呀!!! 我果時都係咁呀, 一個人攪掂曬所有野ga, 老公又咩都唔理,返到去, 阿爸又話哩樣唔夠果樣唔夠....個人勁躁呀!~
不過你 bd 就到啦, 好快會冇事啦, 到時你想再煩都唔得啦.....哈哈~~
Sherrie&Dick 2007-09-26 11:18
nyago 2007-09-25 10:32
LTM & CKC 2007-09-19 23:24
JJ 2007-09-19 20:04
陳皮妹 2007-09-18 23:47
我諗果日係太激動,寫得唔清楚,以下係解釋大家既既問題
1.我原先book30圍,佢已經比咗四百張帖我,即係at least 多四十張帖.但d人仔係又派唔係又派...再加上寫錯咗幾張,而且宜家請請吓有三十三圍,所以驚唔夠啫!!宜家最新消息,應該有淨...
2.其實小禮物係攪好咗,係出去訂既,不過因為要比d file 人,係煩d技術問題啫!!
3.簽名筆已經幾日前整好咗啦!!
4.我講話整頭係bd 前剪/修頭髮再加 high light,因為工作闋係要成日洗頭,so想放大假先整.
5.小遊戲係司儀諗咗架啦!!不過佢個方案行唔通,所以我事前要做d手腳先!!
總知多謝晒大家呀!!!!
陳皮妹 2007-09-18 23:31
好滾動呀!!!!
多謝各姊妹關心,經過幾日calm down 後,心情好咗好多啦!!
每日都同自己講算啦!!屋企可能係唯一一次做囍事,由得佢哋想點都好啦!!!總知anyway都唔會有下次架啦!!!就由佢啦!!
小芝 2007-09-18 17:03
陳皮妹, 加酒.....唔係.........加油呀!
RELAX 下,笑下先啦.....SAY "T"
JAMES & CHRISTINA 2007-09-18 12:59
我完全明白你感受，因為我屋企人同你一樣都係咁...... 明明講左做好左，轉頭又會問番同一個問題。
我摧老公快d俾兄弟人數和酒席人數，成個月都未俾我，又話咁心急做mug.... 攪到我完成唔到個rundown....
其實攪結婚既野係好煩，因為好多濕碎的事頂要處理。通常d男人只會幫手作決定，同埋俾$$$$,而女仔就負責籌備。
你仲有不到一個月就到big day了。 加油呀!
寶寶 2007-09-18 09:29
我都agree poodle 的講法
簽名筆,小禮物的買算 la
如果仔齊料我都可以試下幫你整
有野出聲la
Poodle 2007-09-17 13:20
唔好煩,我絕對明白,因為我早你兩個week咋,你所遇到嘅問題我全部斬有發生
d帖唔夠可以自己diy,我就因為要整份英文版俾老闆,所以diy咗個英文版,有我地嘅相相再加地址同名咁,如果你想要個file,我可以send俾你,整好攞去曬4r絨面就得
而rundown,我都做好,要唔要copy參考吓?不過我同你唔同,因為我地註冊了
至於games,有無心水?我個mc都幫我諗咗幾款,你想唔想要reference?
小禮物就買啦,唔好再諗點整,唔好浪費時間
而簽名筆都唔好整喇,買啦,搵唔到人賣就話我知,我問吓朋友得唔得閒幫你整
至於人名表就真係會要用多d時間,而且無人幫到你手,一定係你地自己搞
花車怖置搞掂未?搞唔掂都買啦,唔駛煩,因為你而家時間唔係好夠,唔好俾自己咁亂呀
有咩幫手就去我blog留message,我可以將我做好的和你share
貓貓公主 2007-09-17 12:58
d帖點會唔夠嫁?唔係預多o左既咩?
你set頭化妝分開既???唔係一個攪晒???
整乜鬼簽名筆,小遊戲呀?
我地緊幫你諗掂佢o架!唔好再自己攬住做啦!
你搵得我地做姊妹,就預o左要做野啦!
總之到正日你咩野都放手俾我地幫你攪啦!
[叫佢哋嗌d親戚盡量7點前黎斟晒d茶去],
當然係無可能啦!影相安排就交俾攝影師啦!
你到時負責嫁俾李生同笑笑口影相得啦!
Karman 2007-09-17 02:24
Stella, I really know your situation well as these all are the same experiences of me!!
I know how stress you are now. May be see see what I can help you when I back HK. Hope to see you soon!