近況

很久都沒有update我的blog, 都怪自己懶...  平時放工返到去, 精力已經透支, 好不容易才到星期六同日, 不過經常睡死在床上... 家務已經很少做, 好彩老公無話我

1) 月初又拿起notes看下月初的日能試, 本應5月份就要開始溫書的我, 終於hea到6月先溫, 得返半個月, 唔知夠唔夠時間睇哂同做埋d past paper.  如果唔合格既, 就要係年底再考過了...我自修咋...算係咁啦!

2) 大婚果日既相5月果陣已經曬好, 不過我都係剛剛分好 (只係公司同事咋!), 分相真係好麻煩. 不過睇返d相, d人話新娘係果日係最靚既果然無講錯!  而家回想, 有d野我覺得可以再做好d!

3) 公司既工作真係好忙碌, 日日都係做做做, 而家我盡量都1745前走人, 對住龐大既工作量, 我真係有點怕怕.  再者, 我再坐落去, 我的小屁股就越黎越大了...嗚...

4) 唔知點解, 好多人都願意將秘密告訴我...雖然我都自認自己係一個守秘密既人, 但係同時, 我亦都係一個好善忘既人...話完比我知, 我係有機會會唔記得你講過既秘密.  哈哈, 唔通已經有老人痴呆?!

5) 睇中左個袋, 諗緊好唔好買, 因為我覺得都幾貴, 心裡面80%係想買, 因為我無斯文袋, 個款易襯, 一見鍾情; 20%唔想買係因為我覺得貴!

6) 上星期行經寵物店, 見到貓仔狗仔, 突然都好想成為寵物主人!

7) 而家學緊新野, 希望每次都會有進步!

8) 買左新車!  em...唔係4個碌果d, 而家2個碌既單車!  我終於學識踩了!  首先多謝楊小米既教導, 然後再多謝老公既陪伴至識得踩.  不過我經常比個腳踏撞到隻腳, 搞到損哂...

9) 好想再去旅行啊!  下次去邊好呢?  歐洲好唔好呢?  不過我想先返去"鄉下"-台灣...

10) 由而家開始, 一個月最多只可以買一件新衫! (最好就咪再買, 慳返d錢)

下次再續...