Opening of Queen Nail

My Shop: Queen Nail

由有 idea 開舖到開張日子, 只不過大約一個月左右, 好多人都佩服我哋三個好極速咁攪咗間舖出嚟... 的確我都有啲佩服我哋自己。 雖然舖仔細細, 但當中辛酸, 係始料不及, 舖內一枱一椅, 一個架, 牆身剷灰油漆, 就算係細到一粒釘都好, 全部都係自己一手包辦, 當然亦有一班杖義相助, 為我哋出賣勞助、腦力嘅朋友, 喺呢個過程中, 各人都付出咗各自好多嘅第一次。 喺開張前兩個星期, 每日都係瞓得幾個鐘, 第二朝又要起身返正職, uncle問: 『咁辛苦, 有冇後悔?』 我同Jocye已經忙咗成日, 果一刻真係好攰好攰, 但諗都唔諗就用堅定、精神抖擻嘅語氣答: 『冇喎!』 雖然辛苦, 但感覺難忘。

由於開張時已忙到覺都冇時間瞓, 所以冇特地打電話續位朋友去通知, 只係facebook廣發 invitation, 但最近我先知, 原來好多朋友都唔知係我開張嘅invitation, hahha~ 雖然係咁, 當日情景一啲都唔冷清, 仲相當熱鬧, 我哋三個人夾埋所收到嘅花籃連成一排花海, 仲好影響到其他同場做生意添, 真係唔好意思, 多謝各位嘅蒞臨, 冇嚟到嘅都唔緊要, 記得多多關照, 介紹朋友嚟做甲, 一定有discount 喎

My partner Jocye & Nicole

Gel 甲 samples, 另有修甲服務。