Baby的生日禮物

5/27 - Baby 的生日禮物

經過咁多個節日之後, 我已經諗唔到可以送咩喇... 我索性問 Baby想要咩生日禮物, 博佢自己都諗唔到嘅時候, 可以唔洗送。

Baby話, 要我學煮一餐飯, 就當生日禮物.... 對某啲女仔嚟講, 呢個要求可能係好容易, Baby就係知道我唔識, 所以要我煮, 務必要成為我『第一個為佢做飯嘅男人』, 餸嘅款式要有佢鍾意嘅餸, 例如: 咕嚕肉... 要有三餸一湯, 我話:『好啦! 我要冒住畀媽咪鬧嘅危險下跟佢學煮飯 (因為我母親大人, 為人極冇耐性, 講兩句教極都唔識, 就會鬧人)』Baby話:『hey, auntie 之嘛, 鬧咪鬧囉, 如果要你出去畀人鬧我就唔捨得姐』 有你呢句說話, 九大簋都要學啦~

至於生日party, 初步已經同阿璣確認咗會一齊攪, 我諗到時一定好熱鬧~