2008 / 07 / 22

今晚又好似發左瘋咁喺宏達睇左幾鐘書，一路睇一路諗咗好多野，唔知點解，直接啲講係諗一啲野黎安慰自己，因為呢排都比一啲唔開心既野困擾，有時諗到真係好傷心不過我一得閒就諗一大推野黎，本身好開心都搞到唔開心

今晚喺宏達番屋企既途中，喺樓下既押店（中文唔好，直接啲講係擋野嗰啲鋪頭），因為屋企附近有一大推賭場，所以比較多呢一類既鋪頭，回題，當我番到屋企樓下既時候，見到有個大概五十幾歲既男人，佢好快咁走入一間押鋪到（嗰間鋪頭隔離仲有一間，隔離嗰間仲有個女人係到收價，諗住拉個男人去佢嗰間，但係唔成功，我親眼目睹個女人失望既表情），個男人一入到個鋪頭就即刻剝左佢手上既錶，埋去同個人講一啲話（由於夾雜左太多鄉下話，聽唔到佢講乜），但係櫃檯個人居然識聴，之後個男人收左啲錢就走左啦，我覺得賭場真係好衰，搞到好多人要去擋佢地啲野，有啲人或姐要忍痛擋咗佢地一啲有紀念價值既野，甚至有人自殺覺得有種唔好既感覺。