龍鳳鐲

媽咪對於結婚的傳統習俗其實一竅不通，但就只知道一定要買一對龍鳳鐲俾我同早過我嫁的妹妹。無奈金價一直升，我當然戥媽咪嘅荷包肉痛啦，所以希望等吓先，至少等到金價跌番D先買！但基於爸B啱啱申請咗兩張新嘅Credit Card，要每張簽賬某個數目就可以免費得到一部800萬像嘅Samsung數碼相機，所以爸B一直都叫我快D去買龍鳳鐲……終於今日飲完茶就全家總動員向金舖出發。

其實我之前已經同契家姐去過睇龍鳳鐲，o係全港嘅周生生﹑六褔，周大褔同謝瑞麟亦留下不少腳印…而我鍾情嘅就係呢對嘞…

感覺上隻龍同隻鳳冇傳統嗰D咁'娘'，個樣好似醒目D，最重要嘅係呢對用咗閃沙做底，除咗可以特出D對龍鳳之外，金沙效果非常兼十分閃…哈哈！影相啱晒！

除咗龍鳳鐲之外，我嘅收穫亦包括︰

一條靚靚花花頸鍊︰

花花耳環︰

買得咁開心，連媽咪都買咗套靚靚珍珠頸鍊同耳環︰

除咗我o地開心，我諗最開心應該係serve我o地嗰個sales... 今日金價9216 o架﹗我哋買到即時成為VIP... 手工一律有半價.. 各位如有需要，可以問我借VIP Number 去用o架！