請廣傳 - 細狗或小朋友的好伴侶

唔經唔覺, 妹妹已經o係我度住左2個幾月了.........

由好擔心, 好怕人, 咩事都驚餐死既小朋友, 已經進了一步會welcome 你返家, 會跳撲你, 會好調皮咁偷咬你d衫尾.......個樣真係好開心, 好可愛!

妹妹係孟公屋兩前年既流浪狗, 俾漁記捉左贖返出黎, 以為咁好彩可以搵到個好屋企, 點知, 再一次被遺棄.......

新主人promise我轉名, 打針, 絕育.......結果咩都無做更俾妹妹俾車車撞到仲不斷咁生bb仲要周圍流浪拾垃圾食........直至漁記捉到佢叫我接返妹妹............

不過妹妹好生性, 性格好好, 帶佢去街佢唔會搶繩, 即刻會表現得好開心, 唔會同狗打交, 見到細狗仲好喜歡走埋去打招呼, 一隻性格溫馴又年輕既妹妹, 我真係唔捨得送入狗場! 2歲就入狗場坐監, 要同其他狗爭食爭地盤, 又唔知會唔會感染到病......咁就一世.........我唔想要行呢一步.....

每一日返到黎對住妹妹, 只有更加多一分內疚...........佢之前已經咁不幸過住d咁痛苦既生活, 而今日, 我仲未可以為佢搵到一個溫暖既家.......

好多人都叫我 : 養埋佢啦!   講出呢番說話既朋友一定唔係同我好熟........熟悉我既朋友都知道我3隻大狗已經好多, 自問無能力開狗場, 唔想拾下拾下由2隻變做30隻! 妹妹呢個位置係要俾一隻接一隻危急要救既狗狗一個安全既落腳地方........

望住妹妹果對咁美麗既眼睛, 我個心好痛..........好難得妹妹開始o係我家適應; 一見狗繩就搶住去街........但係.....我既唔可以收養佢但仲未為佢搵到好人家........我個心好難過.....見到男友同自己既仔仔都唔喜歡佢, 可能妹妹會同d 仔爭寵, 久唔久就俾我d 仔打獲甘既! 又好怕接近我男友; 男友起身佢就跑返入籠 "呢" 埋.........咁既生活, 對大家都唔公平! 要時時看住黑仔唔好俾佢趁機打妹妹, 真係有少少壓力.......望住妹妹.........我就覺得好對佢唔住, 因為我唔可以長期收留佢了......

做左義工咁耐, 真係未試過咁耐都未有人問過想睇狗......妹妹雖然係唐狗, 仲要係成犬, 但佢善解人意, 聽教聽話, 幾時有賞識佢既人出現?!

妹妹, 只要你搵到個好主人, 姐姐一路為你受既氣, 難聽既說話, 壓力同唔開心, 都係值得的!

狗狗名: 妹妹

年齡 : 2 歲

性別: 女, 已絕育

已植入晶片, 打左預防針

contact e-mail : adoption@live.hk