網誌分類：飛行之趣 |
今日各大討論區都有人post或轉貼以下文章，小弟也湊熱鬧討論一下吧。以下文章轉貼自蘋果日報。
--------------------------------------------------------------------------------------------------
港青質素下滑 去年只成功取錄 12人
國泰聘非港人機師學員 21年首次
【記者呂焯均報道】受金融海嘯及豬流感夾擊重創的國泰航空公司逆市招請機師學員，名額逾 60人，是過去每年 30多人的一倍有多，學歷最低要求為預科畢業，可惜香港年輕一代質素下滑，英語及應變力均未達機師要求，去年一半名額都填不足，國泰因此決定放棄只請港人的規定， 21年來首次開放給非港人申請，唯一條件是要與香港有聯繫。
國泰機隊現有 123架客機和貨機，每架飛機按短、中、長途分別有 2、 3、 4名機師，機師總數近 2,000人。本港沒有空軍，未能為本港航空公司提供機師人才，故每年國泰需直接聘請二、三百名已擁有資格的外籍機師填補空缺， 88年起則自行培訓本港青年成為本地機師，每年培訓的學員名額 30多個，限定香港永久居民才可申請，至今已誕生逾 350名港產機師，當中約 30人是女機師。國泰客機機師退休年齡為 55歲，貨機則為 60歲。
國泰近期業績雖然下滑，有飛機要暫時停飛，停泊在美國的沙漠，但國泰有信心經濟很快會好轉，國泰會擴展服務，機隊數目仍會增長。發言人說，國泰需繼續培訓新機師應付日後需要，而且今次要擴大招聘培訓機師學員的名額。
每名獲聘學員需到澳洲接受 13個月的駕駛飛機訓練，考取駕駛小型商用飛機資格，回港會獲國泰聘用為二副機長，可以跟從機長執勤。學員的甄選過程嚴格，基本條件是英語能力要求高，因機師要與全球各地的航空管制人員溝通，又要面對突發事件或環境，性格要冷靜，有應變力，同時要與同機機師合作，需有團隊精神，不能獨斷獨行。
但是，發言人說，近年聘請本地學員的名額都未能填滿，去年逾 2,000名申請人，只成功聘得 12人，「好多申請人都達唔到要求，包括英語能力和應變力。」
國泰面對新航空公司湧現，即使美國航空業發展成熟，對機師需求仍大，加上新興國家和地區，例如內地航空業起飛，令全球出現爭奪機師潮。香港年輕人條件差，嚴重影響培訓機師計劃，因此，國泰要擴大培訓機師學員名額，並放棄只限香港永久居民申請的資格，非香港永久居民也可以。但由於機師日後將留在香港生活及工作，故應徵者必須與香港有連繫，例如在本港讀書畢業。
*年滿 18歲
*身高 1.6米或以上
*擁有香港永久居民身份或與香港有連繫的非永久居民
*操流利英語
*高級程度會考兩科及格，理科者優先
*有應變能力，合作精神
申請機師學員門檻不高，只要求中預科學歷，也不需要身材健碩，身高 1.6米已合格，因此面試成為關鍵時段。面試有四輪，首重測試申請人是否適合當機師，尤其性格是否冷靜，申請人切忌表現獨斷獨行；一條必問的題目是：「你點解想做機師」。
國泰發言人說，機師負責數百名乘客的安全，責重大，因此，機師除了掌握專業知識外，必須具備冷靜頭腦和應變能力，面試時會盡量測試申請人有沒有這些方面的條件。
有機師學員提供貼士，考官幾乎必問的題目包括「你點解想做機師」、「家人係咪支持你做機師」、「一架飛機點解識飛」，也會叫申請人即場形容當日的天氣狀況。若遇到不懂的問題，切忌胡亂充塞，一定要虛心表明自己不懂。
機師已不是男性的專有行業，國泰機師學員培訓計劃至今累積有 30名女性學員，差不多佔總數的一成，去年招募的 12人中，女性更達三分一，有 4人。
每名機師學員的訓練費用高達 100萬港元，他們受訓期間沒有薪酬，只獲零用錢；畢業後若成功受聘為二副機長，月薪 3萬多元起，並按年資及能力晉升為初級機長、副機長及機長。
--------------------------------------------------------------------------------------------------
相信有追開此blog的各位也不會對投考CPP陌生，入職條件相信大家比這位記者更耳熟能詳，而且我亦用了差不多十篇篇幅講面試，因此面試關鍵、答問技巧等今篇也不會再談論。今次想跟大家談談招請非港人對有志港青的意義。
文內提及去年有逾2000人報考最後只有12個位，正正乎合我在文章「面試前的準備(三)」內二百人搶一席位的估計。好了，如果有香港身份證的人也有超過二千人報，那麼現在沒身份證也可以報考的話，人數可以去到多少?? 雖說非永久居民也須要跟香港有連繫，但要做到這點其實不難，我估計報考人數今年一定是倍數上升，五千人、六千人?? 這個只有HR才知曉，但國泰把目標人數定為60絕不出奇。目標人數提高至60，是否代表競爭沒有之前200搶1那麼大?? 首先，今年港龍沒有招收學員，意味著就算達標收了60人後實際總增加並沒有想像的大。而且60只是目標，最後只有30、40也有可能，如果真的請了40人，那麼當中有幾多會是土生土長的香港人呢?? 文內有提到88年至今國泰只出了土產機師約350個，大家可以想像21年才出了350個，用常理推斷也知道今次無論幾大班也不可能有超過20個本地人吧。
又假設香港人只有10個，那麼餘下的就是沒有香港身份證的外國人，你可能會問真的有那麼多外國人合適嗎?? 我們要先了解一下大家的對手。美國境內有近20萬人有PPL執照，飛機師人口更多的澳洲及纽西蘭擁有GFPT/PPL者更超越其數，還有盛產空軍的東南亞各地、中國大陸等等，這些加起來有基本牌照的全球有近百萬人，如果有1%報考國泰的話已經足夠淹沒國泰城了，還沒包括有飛行背景但沒有牌照的人呢。因此國泰招募對外開放之後對港人無疑是一個更大挑戰，因此千萬不要被60個名額所騙，你們的機會沒有變大，反而面對的路其實變得更崎嶇。路? 對，因為當你成功投考後還要在澳洲過14個月，傳統來看一般這14個月壓力不算太大，但如果變成一大班之後就是另一個故事了。首先學校的導師及飛機數量不可能突然增加一倍來照顧這班人，變成有些學員的進度變得比其他人更慢，我只能說國泰對學員的進度是十分敏感，稍為慢過少許高層來review時除時可以把你中途淘汰。至於誰在這遊戲內較有優勢? 會是有ppl的外國人還是初來報到的港人?? 其次，當一班變得那麼大的時候，彼此關係會較為疏離，鬼痴鬼、人痴人的情況會更為明顯，最終有機會導致惡性競爭。
但無論如何，我在此祝福各位本土有志之士得到最後成功。香港人多但本地航空公司少且沒有空軍訓練，這都是先天的無奈，但香港人勝在比外國人能讀書，只要肯努力機會還是在你面前。相反每天只是上上討論區吹水，缺乏自我增值能力的宅男、隱青、邊青、毒青、mk青等請別有任何妄想可以當機師了。
phi 2009-12-03 14:49
想當年我在千禧年見到的cpp係要
with good eyesight!
忘記俾十萬粒星星俾石頭飯機長你寫得好好呀, 好似我自己個experience 一樣咁生動
祝你早日出書
石頭飯2009-12-06 00:53
phi 2009-12-03 14:49
想當年我在千禧年見到的cpp係要
with good eyesight!
忘記俾十萬粒星星俾石頭飯機長你寫得好好呀, 好似我自己個experience 一樣咁生動
祝你早日出書
石頭飯2009-12-06 00:52
Benson 2009-09-07 17:01
石頭飯2009-09-08 13:47
windshear 2009-09-04 15:15
路過想講少少.
考cadet其實同其他工作都一樣, 要準備好, 要對其有熱誠, 然而, 兩者都做足都唔一定會得, 因為某程度上會睇下你夾唔夾間公司, 合唔合in你那位人兄的心水, 所以考唔到唔係100%代表你做得唔好, 或者, 係欠少少運氣.
或者咁講, 好多公司, 唔止cx或ka, 都係唔止想choose 最好的, 而係最適合的.
當然, 做準備做得唔夠就一定考唔到啦.
成日好多小朋友問自己仲讀緊中, 小學想做pilot, 要點做至好, 選咩科至好, 其實最緊要學好語文同讀好d書, 課餘時間咪睇多d有關的書囉, 大學讀咩反而唔一定同pilot有關, 因為冇人100%sure自己一定會考到, 如果一心打算為做pilot而讀某d科至最後考唔到pilot, 咪兩頭唔到岸.
ppl呢, 有唔一定著數, 而且真係好貴, 拎個ppl但又考唔到, 平時又冇得飛, 咪仲心酸 (除非本身屋企有錢或自己人工高啦, 係hk飛小型飛機係好貴的一件事)
事先聲明, 我唔係pilot, 亦冇ppl, 只係一個旁觀者. 不過聽得太多朋友同事講, 講得唔啱的話, hope石頭飯唔好mind.
by the way, 其實airline crew會唔會去Asian Aerospace International Expo 的
石頭飯2009-09-08 13:44
當然唔會mind，而且你仲highlight左幾個重點，希望有心人睇到你既分享，對自己未來有所啟發。
好多crew都會去睇expo，我自己都想去。
好老豆@dragoon 2009-08-30 22:41
大家可能平時小做researh
在外國,許多飛行學校都透過銀行提供貸款給學生考CPL,款項係學費的100%,有外國居留權的朋友可以考慮下,當然我也有資格申請.如果無,可能需要在當地的居民作co-sign,呢樣要睇大家的人脈。因此考CPL的費用可以說係"零"。
入到CPP唔一定好過自費,在CX,你要做3-4年so,之後慢慢升上去,果3年全部係長途機,都幾悶。港龍就唔同,可以做takeoff 和landing,人工較高(因升職快)。自費有較大自由度,有d學校同航空公司有聯繫,保就業,唔洗被cpp限住.不過我睇不家都無考慮過以上的事實。本人對C公司極為反感,所以打死都唔會去報考。大家去考之前,唔該做好功課
Re:聰
但唔pass要再考過點? <------唔pass都幾抵死,筆試75分及格,全部mc題3選1,在美國仲可以背答案,易過會考
其實有冇睇過ppl既內容<------下,你去考都唔睇內容,學校網站list晒出來,ppl讀大約8-10科,讀書唔知讀d咩?不如唔好讀
要加鐘又會點?<---------40小時係最低,加拿大係45小時,ppl加鐘係正常,因為好少人會在40小時畢業,預多5-10小時啦
我只係認為石生已經係一個好好既example話俾我地聽<-------年代唔同啦,石頭兄果時唔夠而家咁飛行發達,而家入到final traning的超過70%人有飛行經驗
石頭飯2009-09-03 21:45
//本人對C公司極為反感,所以打死都唔會去報考。// 想知點解呢@@??
我果時入都好多人有牌，有飛過都有70%以上....我唔係咁老架咋
...同大家同一年代
lemon 2009-08-30 14:52
英語能力先係最大問題
小學唔努力入唔到英文中學
用中文教書同英文教書差別真係太大
努力讀但係唔常用英文真係容易生疏
語文點都係浸出黎
石頭飯2009-09-03 21:38
t.c. 2009-08-30 00:08
對於自己不能掌握與控制的事情，別想太多
對於自己能力之內所能夠控制的，盡力去做
應用在cx這新聞上，就是說不要想太多關於cpp接受非香港居民申請所帶來的影响，反正怎樣想也改變不了這個事實，而其他投考人的質素或人數，亦是我們無法去控制的，所以也不要太擔心
相反，對於考試的準備功夫與航空知識的多寡，就要上心一點了，因為這些都是掌握在我們手中的，準備充足與否，面試時信心是否足夠，都全看自己的造化，對於這些由自己控制的因素，絕不能馬虎
希望這些話可以讓大家快點從這個壞消息中回復過來，少點憂心，多點用心吧！
石頭飯2009-09-03 21:35
少點憂心，多點用心 x2
冇錯，依家競爭係大左，事實就係事實，希望各位更加努力~不要滿足於現狀，否則不進則退。
聰 2009-08-30 00:04
T.C.
你講o個d人都有黎, 你可以留意下佢地講野既態度
大個仔啦, 應該識得分咩係岩同錯, 人地講既未必岩
努力追求自己既夢想啦, 做機師.....eq都要好高的
唔好咁易俾人decourage到 =]
石頭飯2009-09-03 21:33
t.c. 2009-08-29 23:07
好同意呢句！回想自己初初對cpp有興趣，唔知應該去邊搵料/搵啲咩料睇，都有上吓啲討論區，諗住問吓啲有識之士要從何入手，點知發覺部分人好negative，一句回應 "無書可以睇，唯一可以做係去考個ppl"
與其花時間响呢種討論區，不如多啲上黎飯兄呢度，睇多啲文，學多啲野，然後全力以付，積極備戰啦！
石頭飯2009-09-03 21:33
T.C.兄，嗯，有時係討論區係會有呢D人，只憑數句說話斷定一個人唔得係確實有D問題。
例如今日一個人問飛機到底點樣飛，有人turn down佢話連呢d最白痴既問題都唔識，冇可能做機師架喇......但最後可能過左5年佢已經係adelaide train緊，但turn down人果位仲係玩緊討論區。所以無論點比人串比人話都好，只要有自己既目標可以無視果d人。
成 2009-08-29 18:28
平時渣唔夠咩
石頭飯2009-08-29 21:25
成 2009-08-29 18:28
平時渣唔夠咩
石頭飯2009-08-29 21:25
成 2009-08-29 18:26
唔係果果後生仔都可以個個月草到$500...唔洗食
7,8萬對某些家庭已經係天文數字..或者係佢地一生ge積蓄
我唔同意你的::
無錢考PPL只是藉口,入到cpp機會都低好多
既然大家有錢去玩,點解唔去實現自己夢想?
似乎有點一竹篙打一船人吧..
石頭飯2009-08-29 21:25
聰 2009-08-29 18:09
鍾意飛機, 鍾意睇飛機, 鍾意整飛機, 鍾意製造飛機, 鍾意切飛機模型, 鍾意飛行, 鍾意讀飛行既野, 係全部唔同既野
草到咁多$$, 有冇諗過俾完$$, 但唔pass要再考過點? 今日俾$$話要考ppl之前, 其實有冇睇過ppl既內容, 知唔知要讀乜野? 萬一唔pass, 要加鐘又會點? 除左真係考ppl返黎, 仲有冇其他野做黎增進你自己既飛行智識?
我之前都同石生講過, 我深信你今日有幾努力, 落左幾多苦工, 仲有機會show到俾人睇仲會有得著, ppl/cpl/atpl, 只係其中一樣可以做既野, 但唔係唯一
咁多位有志之士, 加油努力, 只要有夢想, 係唔會阻到你的
石頭飯2009-08-29 21:25
聰 2009-08-29 18:02
sorry, 我重申我係認為ppl有著數
但首要條件係自己肯勤力
就算有$$, 除左去讀ppl都有好多野可以做
再者, 何必話人地冇$$考ppl係excuse呢?
個個人都係咁?
我只係認為石生已經係一個好好既example話俾我地聽
只要我地有做晒準備功夫, 就會成功
或者直d咁講
我認為好似石生咁準備, 冇ppl, 都會成功
但有ppl, 但冇石生咁好準備, 就唔會成功
當然好似石生咁準備, 又有ppl就係一個著數啦
但無謂話返暑假工慳埋慳埋可以慳到個ppl
俾你有個ppl, 唔溫書, 係冇用的
石生都講左佢當年係唔同其他同學一樣hea讀, 一有時間就溫書就自學
我仲想帶出一點既係.....
雖然石生當年係冇ppl, 但其實佢溫既野, 係cover左大部份ppl必讀既野, 所以佢先會成功(當然flying hr又係另一個問題...)
ppl既syllabus, 唔一定要真係考, 先會知, 有心既話, 你實會讀到
所以我認為ground school係冇乜太大既著數, 除非你認為自己唔可以自學, 一定要人教要人陪啦
石頭飯2009-08-29 21:25
石生, 師父, mr. stone, 石哥, 大舊石, 石頭兄.....好多新稱呼
我又未至於是一個好例子，不過確實我當年識既野一定超過晒ppl ground school好多。你講既同我觀點差唔多，真係冇錢考牌就較其他野彌補，努力+天份=成功，肯努力就成功一半了。
報ground sch既著數係interview既時候可以當成跟飛行有關的背景去講，引起對手興趣。
lokpan 2009-08-29 15:49
得閒day off會唔會去石岡渣番兩手呢?
石頭飯2009-08-29 21:25
好老豆@dragoon 2009-08-29 14:53
唔知點解而家好多想考CPP的年輕朋友成日都話自己無錢考個PPL,但係佢地有錢去玩,有錢買六合彩,有錢去賭.......
而家考個PPL比以前易好多,而且又多門路,係美國甚至有貸款(當然要美國人)
大家一班14-17歲的年輕人,大把時間,每月儲500,一年都6000蚊,5年就3萬,再加暑期工和利是錢和投資,5年內絕對儲到7-8萬,問題係佢唔識這樣想一想
如果經濟許可,當然建議考埋CPL
無錢考PPL只是藉口,入到cpp機會都低好多
既然大家有錢去玩,點解唔去實現自己夢想?
石頭飯2009-08-29 21:24
希望年輕人可以睇到你既留言，有今日起努力儲錢，無論最後係咪考牌但係儲錢是一個好習慣。
不過無錢考PPL都唔算係一個借口，有好多人升到中六、七什至入左大學先想做機師，屋企又要比學費宿舍費真係好難突然拎一舊錢去做PPL。如果從小儲到個錢可能有好多原因最後唔可以用舊錢黎考牌，例如家庭壓力。
不過你講既拎D錢去賭就真係不如儲起去考牌好過。
AlamJacklyn 2009-08-29 13:44
與其話係同人競爭, 不如話係不斷咁同自己競爭, 挑戰自己.
小弟覺得只要有信心, 有決心, 搏盡去做, 一定可以成功.
by the way, 想請教一下, 小弟依家讀緊degree(hku), 經濟上應該唔容許我去考ppl架啦... 但係我想問下, o係香港可唔可以報ground school? 同埋考到ground school都應該有少少著數掛? thx!
石頭飯2009-08-29 19:19
現實d看其實都係同他人競爭，始終贏左自己，覺得自己做到最好都唔代表你可以過關，而係要贏人。真實世界好現實
//只要有信心, 有決心, 搏盡去做, 一定可以成功// 呢句唔太認同，始終飛係要有相當天份，尤其做aptitude test同flight grading更加。但冇決心冇搏盡就拜拜了。...話時話你講搏盡真係好hku culture...哈哈。
當然香港都有好多地方有ppl相關的ground school讀。著數是有，但幫唔到你tech in答題，而係幫你first in時說服公司你是有熱誠。
diana 2009-08-29 13:33
石頭飯2009-08-29 19:19
lokpan 2009-08-29 13:03
所以有ppl/cpl/atpl係好事, 但都要自己真係肯讀肯溫書
唔好諗住有個牌就實考到
試諗下
你冇牌, 人地有牌
同一個分數, 人地當然著數d
但你有牌, 人地冇牌
同一個分數, 但suppose你應該知道既野你答唔出, 係咪會俾人地個壞印象?
agree 有牌果個好多都咁諗
但係就比d勤力既人拎左佢個位
石頭飯2009-08-29 19:20
係囉變左大舊= =".....
我諗呢個blog既讀者都有唔少本身有ppl，總言之無論有牌又好，無牌又好，報考之前問一下自己有否盡了全力，冇盡全力而過到關係好運，過唔到則只能怪自己。
不過有睇實呢個blog都應該知考之前要勤力一點吧
Eric 2009-08-29 09:45
*年滿 18歲
*身高 1.6米或以上
*擁有香港永久居民身份或與香港有連繫的非永久居民
*操流利英語
*高級程度會考兩科及格，理科者優先
*有應變能力，合作精神
是不是講少左視力既要求??
石頭飯2009-08-29 19:20
聰 2009-08-28 23:18
但可以今時今日有咁既成就, 唔係就係話俾大家聽自己既努力係會有成果嗎!?
與其o係度諗自己既經濟許唔許可, 倒不如由頭睇e個blog一次, 諗下自己可以做d咩準備功夫仲好啦 =]
石頭飯2009-08-29 19:20
哈哈，我唔介意大家重新睇我個blog架，不過依家寫d文愈黎愈多，而且愈來愈長，遲d會分返類比大家易d追文。
mr. stone @@
聰 2009-08-28 23:14
其實有少少個人意見想講下, 唔知師父會唔會同意我講既野:
無錯, 有ppl/cpl/atpl係一件好事, 會有著數, 但首要條件係......你有溫書, 記得晒所有既野
聽過有朋友講佢有個朋友, 有cpl, 但去唔到stage 3
自己本身有個朋友, 冇飛機牌, 但有航空背景, o係外國讀航空工程出身, 英文非常好
但stage 1之後就俾人foul左
同時另一朋友係鬼佬, 都係工程出身, 雖然唔係航空唔係飛機, 但英文唔駛諗咁好, 都係stage 1俾人foul左
所以有ppl/cpl/atpl係好事, 但都要自己真係肯讀肯溫書
唔好諗住有個牌就實考到
試諗下
你冇牌, 人地有牌
同一個分數, 人地當然著數d
但你有牌, 人地冇牌
同一個分數, 但suppose你應該知道既野你答唔出, 係咪會俾人地個壞印象?
希望大家, 就算經濟能力唔許可, 都唔好放棄
要努力呀!!!!! 一齊加油 =]
石頭飯2009-08-29 19:20
認同。雖然有牌會係佔優，但係最終都係要做interview同flight grading，interview只要稍為大意或準備不足就好易byebye，grading如果去到飛grob飛到一鑊粥咁都係冇用。
所以雖然有牌有優勢，但係冇牌者發揮機會更大。
Kent 2009-08-28 23:08
石頭飯2009-08-29 19:20
冇錯，國泰作為一間上市公司一切當然以股東利益行先，所以咩都係向錢看。
我既blog只係幫到少許，大家努力才是最重要~~kent兄加油。
成 2009-08-28 22:45
考左PPL會好D ge話,咁我就真係好斃斃斃喇....(冇$..公屋家庭..)
希望呢幾年努力下彌補到啦...我要發奮!!!讀Geog有冇幫助ga??
我問問大舊石香港除左AAEP之外仲有咩course可以讀下..
EDDY講得好好..好agree with u!!!^^
希望我兒家15歲開始努力有用啦..(希望唔會太遲)
BTW..大舊石你係渣Airbus定Boeing ga??入識入左幾耐???
一個week飛幾多個sector..??
石頭飯2009-08-29 19:20
考左係會好D，但又未至於斃得咁緊要，大把地方你可以表現到自己。
點解我會變左做大舊石= ="... GEO幫助不大。
AAEP之外仲有好多地方有搞PPL ground school。
15歲當然唔遲，至少早我好多~^^"
身份問題不回答，sorry~
lokpan 2009-08-28 20:51
石頭飯2009-08-28 22:29
佢會問返你咩叫ICAO.....哈哈。遺憾地吹水在這個遊戲絕不適用，希望多D人知道要做就做到最好呢個精神，否則人只會原地踏步。
十年後真係唔知，但係機場一日未加新runway同國泰機數一日未增加一倍都冇可能一年一百個。made in hk........有30%已經好好。
Eddy 2009-08-28 17:31
不太利好的消息...定會加入一班很具競爭力的人
我認為報考成功與否,還是看你當時的表現吧!
但成功考到PPL,應該不多不少已經對飛行有比較深入的認識,面對報考的難題,相信也會較易應付吧!但奈何不是每個人都有資源先考取PPL才報考
也許有這人報考了PPL,才發展自己並非真的很適合渣飛機,車也不是每一個人都控制得好,何況是有幾百名乘客,在天空中翱翔的飛機呢
不過有志者千萬不要為此而放棄,雖然可能路是難走了,但這可是從小到大的夢想哦,我讀過一本書裡面有句說:(當你真心渴望某樣東西時,整個宇宙會聯合起來幫助你完成.)當我們真心去追求夢想的時候,才有機會會接近那個夢想,縱使失敗,起碼也曾經付出一片赤誠去追逐!
小弟在此借石頭兄的BLOG,與一眾有志之士共勉之!石頭兄也要努力發文哦!!
石頭飯2009-08-28 22:22
雖然係好睇你當時既表現，但現實中比較一定有，你覺得自己做到最好可能有20個比你做得更好，所以競爭力大左係不容置疑。
多謝你對其他同志既支持~~!! 佢地會感受到。
好老豆@dragoon 2009-08-28 17:23
近幾年都有非華人入左CPP traning
CX做到呢一步,我都唔意外,因為俾錢佢地訓練係要超級高質素
同一般自費的質素差好遠,遲d可能一年只得4-5個係香港人
石頭飯2009-08-28 22:20
diana 2009-08-28 16:49
石頭飯2009-08-28 22:19
雪糕 2009-08-28 16:37
1左先^^
咁其實如果我地去考ppl先去考cathay,會唔會易D??
石頭飯2009-08-28 22:18