山頂"呀甘餐廳"

我記得

有一次我同呀爸有一個美國既朋友呢左香港,咁佢話想去山頂行下,睇下夜景

咁好啦,我就揸車上去啦,一睇時間唔早,雖有係山頂搵間野食下啦.個美國朋友話要食西餐,咁我地就是但去左呢間"呀甘餐廳" 叫左好多蝦,有炸,有烚, 不過最特別就係一個"海鮮飯配芝士忌廉汁" 我呀爸唔係咁鍾意食西餐,但係佢竟然對呢個飯讚不絕口.

我唔知呀爸幾時先有機會再去試.................所以今日我忍唔住同我女朋友再去搵返呢個味道,

去既時候係黃昏,見到個天好靚,只係我既技術差,影得唔靚.

我相信神係有能力令所有既野變得美好......

嘩~~~"炸魷魚圈"  望落好得,其實就.......鹹左少少啦.

呢個就係"海鮮飯配芝士忌廉汁", 食落有好香既芝士味, 如果大家食過圓筒形既"芝士波" 就應該會覺得呢個飯似曾相識!

我地叫既野唔多,不過食得好開心,而且個飯真係好好味! 真係希望呀爸可以快d試下.