我的一對活寶貝

由細到大麻麻都比我感覺係好強,永遠保護我!但尋晚見到你時,見到身體完全冇力,叫你時,你望完我後就合埋眼,根本就分唔清你係瞓緊覺定清醒!

佢地話你唔認得人,但我覺得你係認得既,我見你望完我地後有眼淚係你隻眼度湧住湧住架...唔知你係咪太累,只開一隻眼,定係果邊已經開唔到呢??

尋晚終於守唔到信用了,我"服"係你身上哭了!我心好痛.. 好痛!

姑姐同我見你口郁下郁下,好似想講野咁,姑姐話得喇媽,唔洗講,我地明架喇!其實你當時想講咩呢?想話唔捨得我地定叫我地唔好怕呢?你近期成日同我地講,終有呢一日,唔洗唔捨得!試問,有邊個會捨得你呢?

鍵仔同我講,你送院既上午,爺爺捉住你隻手問你,係咪要走喇?係咪有咩心願未了?講果個傷心,聽果個..... 果一刻我倆都流淚了!真冇用,次次都係我2姐弟哭先!我既活寶貝啊!你倆真的令人羨慕!

尋晚同麻麻講我愛你,我真係好愛你!細個成日掛口邊,大個左都冇同你講過,懷念呢句說話嗎?臨走時大啖的鍚你,果下響聲連隔離床都聽到,窩心嗎?好想日日攬住你黎鍚啊!