我為Pug瘋狂...

好日都唔會去7仔買野嘅我，前陣子因為路經7仔增值嘅關係，見到儲印花換The Dog嘅杯，搞到我為得心頭好，Honey同我都好努力去儲印花。

我哋寧願用5個印花 + 10蚊去換杯，都唔肯以10個印花去換隻杯返嚟，因為只有用這個方法，中八哥狗嘅機會率係最大嘛！

好多人希望抽到老虎狗、雪橇犬同阿比西尼亞貓，偏偏我哋都抽中喎，但我恨咗好耐嘅怪獸八哥換咗三次都唔中呢！

今日食完早餐我又同Honey提議去碰碰運氣，Honey建議換一隻先，而我則認為連換兩隻杯中八哥嘅機會率會較大，最終Honey接納咗我嘅提議。

哈哈！點知一拆開就中咗啦！開心到我大叫起嚟！

好啦...終於可以收手啦！

不過，大家抽中八哥杯而又唔要嘅，不防可以送埋俾我嫁，hehe~~