蘇BAD

好友kestrel比左段片我睇,真係不吐不快:

本來對阿蘇都唔會特別反感,覺得佢直腸直肚,有果句講果句,好食話好食,唔好食就鬧9人,好有性格,之不過睇完依段片覺得佢無料到,睇到我diu diu聲

首先佢話"帶你地去食d好靚既餅" 同埋 "係全香港最好食既餅" 仲有"d甜品係唔甜既"

d餅有幾靚呀?坦白講,東海堂d餅雖然唔好食,但講埋相都好講依間野啦,可以話係無裝飾過個餅

係全香港最好食既餅!?你食過哂全港既餅呀?天外有天,真心講,我唔會將依間野同置地3樓間餅店比較,因為佢未夠班,海港城Debailleul亦係味道同埋相好過Zoe好多

甜品唔甜,你up得出就up啦你,你年紀大無左味覺呀?個所謂signature cake zoe一d都唔甜?我食過如果唔食食下飲水就真係好甜,旁邊貼左d脆片,好似拿破倫餅咁好脆,唔好講到咁神奇啦,周街都有得賣啦d脆片,100g,廿幾蚊食到你嘔啦,你估係間野自己做咩d脆片

不過最令我感到嘔心既係佢一路食一路話"真係好好食"仲要講幾次,使唔使咁做呀,太商業化喇,你睇蔡生個飲食節目幾時有指明係邊間食店架?你一講係開平道,又係zoe,仲唔係幫人賣廣告?隔雜條蛋散仲恐怖,"食落去一d都唔漏,漏?no,邊到呀?"...做飲食節目做到咁cheap,真係悲哀!

我半年前去依間野食過,食過一次之後就無下次啦

http://hk.myblog.yahoo.com/stussy0403/article?mid=4421

講完,舒服哂,多謝收看