網誌分類：生活點滴 |
一星期軼事回顧
● 英文MISS搵左我去[照肺]
唔洗緊張 只係談心姐 仲有幫我分析我既學習現狀 同教我應該要點做囉
其實我都好多謝MISS咁關心我肯定我同鼓勵我 我會好好努力的
不過 係傾計途中 佢竟然講左一句石破天驚既野 問我:Are you lonely??
我梗係當場笑住講NO啦 佢又講: NO??? 只係潛意識掛???
我當時真係好想講:如果你唔信 咪去我宿舍同我生活一日啦 到時你就知lonely唔lonely!
睇黎MISS你低估我了! 哈哈
● 心情複雜
今日我見證左兩樣野 [生死之間和生的喜悅] 真係好多感觸
前者發生係下午放學
一名初一新生上演一幕[放學百米衝刺]
因為最近兩日落過雨 所以地上比較濕滑 而且有積水
初一新生衝刺到我課室旁邊個陣 唔小心滑到
成個人重重跌落地 導致當場昏迷 即時全身大抽搐 最恐怖既係佢仲翻白眼
而我 就親眼目睹事件全過程
其實當時個腦真係一片空白 咩都諗唔到 可以話只有目瞪口呆
當我地班語文老師抱佢起身個陣 佢突然間全無反應 面色蒼白
個一刻 我真係以為佢已經離開人世
不過好彩 係救護車黎到之前 佢醒左過來
之後我個心都仲係有小小唔舒服 la住la住咁
後者發生係夜晚
我宿舍既一位同學18歲生日
係課室搞生日 食蛋糕
其實咁樣 真係好開心
個位同學仲感動到喊左tim
後記:
人既生命真係好脆弱 好多意想不到同意外往往會係你身邊經過
所以人 真係要好好珍惜自己既生命
我唔怕死 我覺得生老病死好正常
但我好驚[意外] 因為咁係唔符合人既心理上同規律上既原則
而且人類對呢D[意外]係毫無預知
所以我覺得有d人成日驚自己幾時死 不如擔心自己有冇[意外]既機率仲好!
