我們的場地 - HOLIDAY INN

揀酒店時都幾頭痛，因為我家好多親戚，要容納到咁多人唔係易事，而且地區又要考慮，食物又要考慮，篩選下結果只有兩間選擇

１）Sheraton

２）Holiday Inn

第一次去睇Sheraton個場真係好鐘意架，頭底高，新娘房勁大，仲有新郎房，又有個function room可以整多一個backdrop，總之未入到會場已經興奮喇，個心其實好想係呢間，不過飲完一次之後．．．咩都幻滅左．．．因為當晚既感覺係全場好黑，好暗（萬一氣氛唔好會令人昏昏欲睡），擺30圍已經好窄，縱然酒店稱最多可以擺到40圍，但30圍既場面已經好迫，呢2點令我地打退堂鼓

跟住都已經幾鎖定係Holiday Inn架喇，因為一向呢間酒店擺酒都幾有口啤，個場之大應該係整個TST之冠，MAX可以去到48圍，聽過朋友講飲過一次50圍添，而且食物好味，去到咁多圍數而都仲可以keep到食物的話應該會唔錯，所以都差不多已經可以落實，不過都係去睇睇個場先喇，當日sales帶我地去睇場，咁岩夜晚有人擺酒，仲可以睇到實際情況添，真係唔錯喎，好光猛，樓底高，仲有我地最鐘意既紫色做theme，不過．．．我地嫌張地毯有ｄ娘，新娘房激細，而且無獨立toilet俾新娘用，好似有ｄ麻煩，但事事無完美架喇，宏觀ｄ睇囉，整體都叫好滿意所以最後就揀左Holiday Inn!!

其實Holiday Inn真係好多新人揀的，我地早於年半前booked，之後sales同我講有人想booked我地個日，仲話排waiting list添，真係唔憂做，唔怪得個menu價可以直線咁上升喇….

借用BLOG友的相片...紫色的THEME...