第一次的斑蘭蛋糕

孫少好鐘意食斑蘭蛋糕，今日的起心肝試下整先，因為整斑蘭蛋糕一定要用斑蘭葉榨汁，但斑蘭葉要去印尼鋪先有得買，好在第一城多印印，有幾間印尼鋪，點知原來唔係間間有得買架，去左兩間以為無架喇，點知個印印好好，指我去另一間咁先買到，如果唔係就要放棄架喇

原來都唔係咁難整，不過因為我無圓形既戚風蛋糕模，唯有拎Ｎ年前買落既玫瑰矽膠模黎用，第一次用咋，要好小心，因為個蛋糕係雪芳蛋糕好輕身，要慢慢脫，見到Ｄ坑位好驚脫得唔靚呀，好彩都還叫ＯＫ．．．

我自己就覺得第一次整算幾好食，不過唔夠斑蘭味，下次可以再加少少斑蘭香精添添味．．．

其實個蛋糕係想答謝孫少百忙中都去排隊買鄭秀文演唱會俾我睇，我知佢唔多有興趣架喇，不過我成日講：我想睇呀，好想睇呀．．．日哦夜哦．．．煩死佢，買張飛黎塞住我把口．．．哈！！