東京輕井澤6日5夜－肚滿腸肥＋感恩之旅 DAY 6

DAY 6喇，最後一日喇，由於係夜機走，早Ｄ起身反埋個日頭去先．．．

今日既行程係－－－銀座　－＞買北海道手信　－＞新宿再食豬扒飯　－＞百果園買巨蜂提　－＞酒店拎野　－＞機場走人

一早黎到銀座呀，見到Ｄ野食．．影下先．．．銀座既野食真係幾貴，商業區係唔同Ｄ既

見到H&M，10點幾咋，D人排哂野隊等開門，相中只係其中一條隊，係右手邊仲有一條隊架．．．好誇張呀！！

好靚既SWAROVSKI旗艦店．．．

其實去銀座既目的係呢到－－－玩具博物館，據講係有朦豬豬架．．果然，我玩到唔想走呀．．

一上到２樓．．．救命呀！！！多到呢．．．陣容鼎盛．．．

超大男女矇豬豬

呢幾隻個時香港仲未有架，不過我地無買，因為香港遲Ｄ一定有得買，仲平Ｄ添呀

友人問我會唔會買呢對結婚公仔，我答：應該唔會喇，因為我唔捨得俾佢地係車頭吹風，曬到佢地都唔好！然後友人：Ｏ咀．．．

睇到樂而忘返．．

仲有BEBICHHICHI.....

最後係因為時間關係，要走喇，對住咁多朦豬豬，我真係唔捨得佢地呀！！

跟住我地去左買北海道食物呀，銀座隔離山手線既有樂町站出口，旁邊有座叫東京交通會館1/F"北海道xxxxxx"
 http://www.dosanko-plaza.jp/

我地就係去左呢到買左馬油（冬天乾燥時用），仲有好多北海道食物，如ROYCE朱古力....仲有既係個日竟然返左汐張既蜜瓜呀，我地去到時見到個姐姐係到開緊箱，哇．．．好野呀，我地可以買到汐張蜜瓜，都唔考慮有幾重喇，點都搬２個返香港先，一個孫宅，一個郭宅！！嘿嘿！！

日本人真係好有心，幫我地揀個生少少既，又將我地既野包得好好，知我地要搭飛機拎走，將個蜜瓜入箱俾我地好拎Ｄ，咁我地可以原裝咁拎返黎食，好細心呢．．

拎住咁多野，但係我地都要返去新宿既歌舞伎町食多次豬扒飯先！

睇返都想食呀．．流哂口水．．．

食飽飽就去百果園買埋巨蜂提同桃喇，仲要PACK埋Ｄ行李，因為我地訂左４點２既巴士去機場呀！

2個大o急 + 3大個袋，上邊個袋係孫SIR的最後沖次，地下就既就係今次買既水果同我既矇豬豬大奶咀．．．手信篇個時會SHOW俾大家睇架喇

去到機場仲有好多時間呀，我地去返TERMINAL 1 到行下先，事關INTERNATIONAL 個邊真係好唔掂，又細又無野行，無野食添呀．．．

返過去TERMINAL 1有ANA 既SHOP喎.... 不過無野買，Ｄ飛機同香港差不多價錢

又等下..等下....可以上機喇... 今次真係再見日本喇 !!!! 我地唔知幾時先會再來呀!!

飛機餐：好難食．．．好彩唔係我食．．．鏗魚呀，勁腥！！

不過我個份都唔係太好，奶油豬扒，無得揀呢，算喇，食左佢！！

食飽又係機上睇相．．．回味咁呢幾日既行程，睇到相都開心！！落機已經差不多凌晨喇，都幾累！！

總結今次既旅行喇，真係好開心，去左輕井澤係我最滿意的，我太鐘意當地既環境喇，相信短時間內都未必會再去東京喇，根據孫SIR既計劃，我地既下一站應該係北海道！！！