東京輕井澤6日5夜－肚滿腸肥＋感恩之旅

我返來喇..... 上星期人仲係日本，依家已經係屋企坐定定，快樂既時間過得特別快，又係時候講BYE BYE，６日５夜既勁食之旅完結左，要返來面對殘酷既現實世界，如無意外，下次旅行應該會係出年４月，有排等囉　

講返今次既旅程先，好開心去到輕井澤，其實我係第二次去日本，第一次去時係酒店撞到個美國人，佢好熱情咁同我講輕井澤好靚，又有好多CHURCH，咁我就留下左好深既印象，不過都要多謝孫SIR既安排，佢仲記得我講過好想去輕井澤，而特別去呢個地方真係要洗多好多錢，但去完真係絕對覺得值得！！　

出發前都已知道日本天氣唔好，仲會落雨，但真係感恩呀，我地係只係向輕井澤時遇過大雨，而呢段時間我地係OUTLET SHOPPING緊，完全係事不關己，縱然天氣報告講明會落雨，我地成個旅程都未有出現過狼狽既情況，真係感恩不盡呀！！我地係輕井澤臨走前一晚睇到新聞講東京市個邊落豪雨，仲水浸添，但係我地返出去東京後至走個日，都只不過是陰天，未落過雨呀，所以話呢．．．你去到邊天父都會睇住你呢．．．．

今次我地又買野買到傻左，２個大o急，５袋 hand carry，１個大手提袋，誇張到爆，但７成野都係手信，但我地買得開心，送得開心，因為手信都係送俾我地既家人同好友，所以一句怨言都無，仲覺得原來自己都幾壯，拎咁多野都無問題喎．．．

未寫返個行程前要多謝各方好友既幫忙先．．．

首先多謝露比姊妹義氣頂上幫我帶客上杭州，如果唔係．．．我落機後３個鐘就又要再上機，仲要俾個殘樣個客睇，真係咩形象都無哂．．．嘿嘿，呢Ｄ咁好既同事兼好姊妹係邊到搵呢．．．只有ＡＮＳＯＮ先有囉．．．哈

仲要多謝孫SIR老友借出靚相機俾我地去勁影，無左佢，就浪費左輕井澤呢個咁靚既地方喇，我地計過，原來我地影左成千張相呀，有８成都係輕井澤影架，所以要去有靚景既地方記住要帶定靚靚相機，仲要預返時間影相呀．．．

我好快會寫埋成個TRIP既野架喇，等我呀．．

COMING SOON！！！！