檢查

各位最親既朋友, 一定會知我結左婚.

依家仲有左添... 因為老人家話會小氣既關係, 所以依家4個月多d至開始寫下blog, 當係一個紀錄咁. 不過我都好懶, 可能會斷斷續續, 大家唔好話我喎.

唔知有冇人會做bb契爺/契媽???

言歸正傳, 話說今日老公陪我去檢查睇報告(因為今日係第二次去醫院, 第一次去度高、磅重同驗血. 好多謝老公請假陪我, 但係今日就少左日人工lu)之不過等下等下, 已經係臨近醫護人員食晏時間, 所以好趕好趕, 我今日見既護士匆匆要我連鞋都唔需要除訓上床同肚入面既bb聽心跳, 跟住醫生用佢最快既速度講左一次report畀我聽, 還幸我冇事正常, 唔係佢都冇可能咁快有飯食

午飯時間之後,又返黎醫院. 做乜, 要照超聲波睇下bb點既情況. 以為可以好快搞掂, 但係都要等成個鐘又多至有得照

入到房, 就除好鞋仔, 掀起衫仔, 打出個肚仔等照, 醫生埋到黎講下主要想照乜, 跟住就住個野咁响我肚上面遊黎遊去, 依度係邊度, 個度係d乜, 佢依家點樣點樣, 我同老公望到眼花花, 不過好特別, 話晒第一次睇bb全相...醫生最後結論係...正常. 咁我都安心好多.