網誌分類：5粒糖★透視鏡 |
圖片
網誌日期：2009-11-22 16:30
親愛的老友記,
真係long time no see la,
大家又有冇掛住我呢!?
等我宣佈一下,我拖肥仔係2009年11月13日,正式加入公公o既行列,我o既綽號係"小fee子"呀,
因為得到我好鬆弟樂樂o既保佑,當天手術非常順利,不過,嘩~~~原來我奶吱底下果粒衰野,
切左出泥先知的確好大粒下呀,真係嚇死死,
但係媽咪同爸爸商糧過,疵大家都覺得唔想深究粒衰野夠竟係咩泥架,所以最後決定唔send去做化驗,
而粒野而家用藥水浸住好好保留,如果大家唔驚想望下o既,heehhe就泥我地屋企啦,
Anyway,從今以後,我係一個100%健健康康,快快樂樂o既小朋友喇~~~~~~
左一場,
不過之後佢好快就振作起來,
堅強地面對,而且今次係爸爸帶我去做手術o既,所以媽咪話佢個心好似舒服好多,
其實佢擔心咁多都係驚我嬲左佢o者,
我拖肥仔從來都係大方o既小朋友,又點會咁小氣丫..................
今次我做左自動溶線,而家第10日,條線都唔見左好多lu.........所以,花園呀花園,我又來投入你懷抱啦
除左愈來愈靚仔之外,我依然係我
好喇,輪到我棉老大講下野喇,天氣愈來愈凍,對於我地d老人家除左大覺訓之後,都唔知做o也好,其實我想返屋企架,不過媽咪係都迫我出泥曬下太陽喎..............真係冇陰公.............................
所以都係著住件溫暖牌氏穩陣d
臭fee哥哥要坐監,搞到我都坐埋一份,悶死gum啦~~~~
同埋我件"新玩具".....................
佢係我個新細佬,叫blue blue豬,blueberry,啤梨糖,係隻異國短毛貓,2009年6月6日出世,下個月就6個月大喇
Blue Blue 9月28日加入我地大家庭架喇,不過一直冇時間正式介紹佢...........................
唔好睇佢個樣懵下懵下比佢呃左呀,佢其實超級曳,成日打爛屋企d野,又大膽,又唔驚人又唔驚狗,成日扭計計要出街玩,簡直係一個小魔怪泥架!!!!!!!!
都唔知食咩奶粉大架,4個大就咁鬼大咪!!!!!
我好似有少少鍾意左佢............
hmm.....有時覺得.............佢好似當左自己係狗狗tim...............
至於屋企另一隻貓貓波板糖..........................
夠竟我地要點樣做先可以令妳開心一點?????????????
就快4個月喇,我同波波o既關係一直都好反覆,有時好,不過多數都係壞,每次有dd好轉o既時候,又因為我幫佢剪指甲or著件衫or洗耳仔等等,又變番轉差.................
我同波波佢之間o既隔膜,唔知幾時先可以沖破.......而家仲成日lam自己,lam到下半身同埋尾尾都冇晒毛毛.........................
10月尾返左呢份新工之後,真係人都癲,公司裝晒閉路電視,電話有錄音,會議室,貨倉都有錄音,大廳唔知有冇,e-mail冇得自己收,老闆收晒睇晒,先放比你,你做錯咩事,even小到用錯一個Quotation number,都有位秘書小姐匯報比老闆知, 老闆其實係咪比人"線"過呀!? 公司冇人教你做野,永遠淨係識叫你睇manual做,*不過好多野manual都冇提到架嘛,想問下要點做,冇人講到比你知,朝朝返工都要比老闆照肺,好心啦,又要人快d交功課,不如用照肺果1~2個鐘,比我地好好做野好過啦,除左d固定o既舊人之外,其他同事車輪咁轉,老闆好鍾意係你就過probotion前幾日就抄你,o岩o岩又左抄左個marketing...........不過唔洗難過,
可能好快我同Chloe就陪你啦..............點解好工永遠都冇我份o既!!!!!!!!!!!!
11月11日係全世界最可愛o既樂樂小天使o既生日大日子,雖然樂樂BB您離開左媽咪好耐好耐喇,不過媽咪每一天都依然咁想念您喔! 有時望住肥GUM,禁不住我又會想起您,希望您唔好介意,呢個衰妹某D神態真係似極您的,不過我知道呢個小小天使是您送給我的禮物,係我最難過o既一段日子, 一直陪伴著我,帶比我無窮o既歡樂,多謝您呀~!樂樂不過您真係衰呀,一次都唔係媽咪夢中出現,
您一定係彩虹橋上玩得好開心啦,您一定係最受歡迎o既小朋友啦,一定好多哥哥姐姐爭住寵愛您,好多小朋友喜歡親近您,可能您比媽咪更忙碌,因為您從來都係討人喜愛o既小傢伙
IMG_9925a.jpg
IMG_9822a.jpg
IMG_9898a.jpg
雪狼大笨啤 58分鐘前
貓狗共融