Hong Kong Wine & Dine Festival 2009

係萬聖節前夕, 老公話放工後有個地方同我去... 無乜留意新聞的小秘當然唔會咁易估中, 好彩, 臨行前老公都遇早開估 尋晚, 我地先去左Elements的夏麵館食個dinner (仍然係咁多人, 我七點鐘去到, 都等左差唔多25分鐘至入到去, 之後只係人龍越來越長)

呢一個節目, 其實係當晚六點幾至開幕, 仲只係接待受邀嘉賓... 到八點半過後至安排公眾人仕入場買票/試飲... 我地八點三左右, 係Elements排定隊等坐接駁巴士到西九... 其實行過去都唔係太遠, 不過有shuttle就懶下啦~ (但我地前面已經有四架旅遊巴的人排緊隊, 我地等到第五架至上到>.<, 超多人)

去到, 旅遊巴要等位落客.... 入到場, 又要排龜速移動的售票龍... 唉......... 買完飛, 都已經九點四...

(正門位置)

我地買套票, HKD120 (用AE咭的價錢, 否則是HKD150) 包左12杯40ml的紅酒試飲券... 兩個人, 總共要飲24杯 呢個價錢, 仲包左一袋野, 其中當然係比客人飲盡全場的紅酒杯一隻, 另外仲有水一支 (唔好諗住係D 大牌子膠樽水一支呀, 支水係玻璃樽, 好似好high咁架... 哈哈... )

除左包左的紅酒... 我地都有買到小食... 呢個係ham... HKD30, 味道OK, 唔太咸~

有ham, 有D booth仲有免費cheese放係度 (當然係手快有手慢無啦, 我就手快快去到一個booth, 連t-shirt都攞左件... 嘻!) 紅酒同cheese簡直得絶配... 

場內, 有播歌, 有live band, 亦有人彈結他~ 

仲有D姐姐仔同人影相~

行到新世界酒區, 仲有老爺車展, 不過只係五架咁多~

呢個booth超多人, 原因之一, 檔前輪候紅酒的地方有三分一比呢隻豬阻住左

呢個位置真係靚絶~ 遠眺中環金鐘灣仔夜景..... 有晒枱「鄧」比客人坐, 但呢個area只限受邀人仕同職員=.=!

繼續仲靚女影相~

飲得好開心~ 好外國的感覺.... 成班唔識的人聚埋呢個地方, 為的都係飲酒... 有D似蘭桂坊, 但比蘭桂坊更自在的感覺... 很可惜, 只係攪短短的三日 (計落都只係兩日一夜...) 

以前同同事出黎飲野, 小秘就最怕溝酒飲, 溝到第三隻 (大概係第三/四杯左右) 就開始到頂... 但今次, 溝成十五隻以上的酒 (有D同老公share) 都無問題, 真係創舉! 

展期只餘11月1 日 (即係聽日) 有心去的朋友就襯早啦~