Day 24 @ 02112006

一早起身就肚痛，可能尋晚冷親。細佬專登開風扇吹住部電腦，結果我就咁凍親。唔知點解，我成日都覺得好凍，而家先係秋天，我已經著到冬天咁，好似發冷咁。

去咗上銀黏土喇！都幾好玩，自我懂性以來，第一次上手工藝班。以前成日買書自學，而家懶咗，唔想花時間自己研究。六個星期後，我會完成到6件作品，我會影相keep低佢，因為，我會送晒比人。第一堂學做吊咀。

呢啲就叫銀黏土，20g就要200幾蚊，其實都幾貴。不過，個course咪好抵學，因為學費包材料。

上堂嘅用具。

第一次整，都唔係好似個J字嘅。唔知燒完會唔會靚啲？

同朋友仔傾電話傾咗好多個鐘，諗咗好多嘢。我唔想再好似後生時咁，成日聽到朋友間有糾紛，不過，呢件事令我反省自己以前有幾唔啱。人可能就係要咁，一家要從錯誤中學習，不過，有啲人錯一兩次就明，有啲人錯一次就唔想再嘗試，唔比機會自己去做啱，而我，相信屬悟性低的一群，錯咗好多次先諗通。

每個人都有自己嘅問題，冇人會完美，視乎優點多定缺點多，人——實在係大複雜，一時就係身邊嘅人唔比機會你改，一時就係自己唔比機會自己。有時，我覺得向人道歉，要求人原諒，都唔及自我反省咁難。要面對自己嘅過去，放低自然對過去的伽鎖，真係一件好難嘅事。

突然，我發覺我放唔低，我冇原諒過自己。啲記憶我放埋咗一邊，不過，今日諗番，我好多事都handle得唔好，我唔敢再諗了，我要如何放低呢啲人和事？

上次染髮唔小心染紅咗隻指甲，個個都話染得好靚。不過，染得一隻，好怪，唯有用指甲油遮咗佢，第一次油紅色，因為要深色啲先遮到。