Day 32 @ 10112006

原本諗住聽日可以返到大陸，點知都係去唔成。短期都應該去唔到，潘潘下星期返夜，再下星期佢又飛，所以pp再pp啦！

滑雪之旅落實，要開始張羅羽絨、雪褲同太陽眼鏡，weekend入東涌行吓，睇吓timberland有冇discount，好開心，叫有啲嘢做，唔駛成日漫無目的。加上daddy、媽咪聽日返，我又可以懶洋洋，唔駛做家務。

又係movie day，今日同木木金金名&阿K去咗睇死亡筆記2，好好睇呀！我好鍾意Jealous，雖然佢出咗兩個shots就變咗灰，不過佢真係好可愛，係一個善良嘅死神，至於Rem，佢都好善良，不過個様就唔係咁討好，唔知有冇Jealous啲公仔賣呢？仲有，彌海砂間房啲公仔，全部都係我鍾意嗰啲，不過，我為咗唔好令我身邊嘅人不安，我唯有買一啲容易接受嘅迪士尼朋友囉！

今晚，係最後一晚home alone，我鍾意一家人熱熱鬧鬧，另一方面，又好享受一個人自由自在，我真係一個好矛盾嘅人。人格分裂？