順景/誠興 (另加"領匯"反思文章)

可能, 將來無得食呢間我地由細食到大既茶餐廳了. 點解?

因為"領匯"

點解?

唔知大家記唔記得當初領匯上巿, 大家好開心諗住買股票就有錢分, 結果當然有錢賺啦. 個時我記得我都同人講過, 將來屋村既商場唔會搵返你由細到大都係度既舖頭架啦.

領匯用巿場經濟為原則, 就好似各大商場一樣, 唔再同你簽長約(以前屋村舖既租賃原則係舊客優先), 好似屯門巿廣場咁, 得閒就改改d格局, 轉轉d舖頭位置咁. 大家都應該聽過好多屋村大小舖又好, 酒樓食肆也好, 都被迫走了.

屯門蝴蝶村商場翻新左都好一段時間, 地下個層都七七八八. 感覺已經唔會係以前既屋村舖, 變左好似一般商場既繁華. 而肥仔肥妹去開一樓既茶餐廳, 食左10幾年架啦. 好快就會關門大吉了. 將來會否可以再租? 未知知數. 簡單講, 去年美景超級巿場都被迫走了(以我所以美景都係唔想走的), 另外我知紅橋酒樓都要走, 仲有傳聞話裝修完後開稻香.

所以, 值得反思既問題係, 公屋屋村應該保留多年的特色和大家既生活習慣, 定抑或係要好似大型商場咁隔幾年變一變?

我只係得10幾年的習慣, 唔知其他舊區既街坊, 感覺又如何呢?

我最愛的特餐: 牛油包, 火腿奄列, 沙嗲牛麵, 凍啡

屋村feel的茶餐廳格局