奧海城化石展

今日真係好鬼開心，終於都去左化石展嚕。但係好鬼死多人！雖然我知道我面前D化石係複製出黎，但係...好過冇啦！

呢隻係還原左o既長毛象

仲有好多其他動物化石

呢隻我唔記得左係咩喇‧‧‧

呢隻係冰河時期o既雪鹿(咪以為佢好大隻，佢好鬼矮架，到我腰高小小)‧‧‧

而呢隻大會話係古代犀牛‧‧‧

呢隻係細長毛象o既化石‧‧‧

呢隻都係古代o既巨型犀牛‧‧‧

我地睇完化石展後覺得好肚餓，就去食野啦，個展覽係一期地下個邊，我地行左去二期個邊度食。食完出黎見到家燕姐唱完歌行左出黎，而且好多人圍住佢影相‧‧‧

當然我都唔執輸啦，我都過去影返張先(趕時間，搞到bra帶都現晒>_<)...

我阿媽都係一樣‧‧‧(各位觀眾，我娘親)‧‧‧

原來今日係新城電台搞一個唔知乜差野心臟運動日呀，唔怪得咁多藝人同歌星黎啦‧‧‧除左家燕姐之外，仲有鄧建宏(太醜，冇辦法影得落手)﹑思其(佢出黎個陣我咁o岩去左厠所)﹑應昌佑﹑關楚耀同馬德鍾‧‧‧

呢張我本來係昒佢左邊面架，但係唔知係咪佢對鏡頭敏感呢，我拎起部相機想影之際(前後唔夠2秒)，佢就即刻望到我，仲笑添．．．

不過佢唱歌都幾好聽架，佢唱緊『鳳凰四重奏』o既插曲‧‧‧

我都唔明點解咁多o靚妹仔咁鍾意玩追星囉，每一個歌手唱完走，那個歌手o既歌迷就會即刻沖出去門口等佢，為咩呢？好白痴呀，留返D追星時間去讀書好過啦！

跟住咪返歸囉‧‧‧我一日咁精彩o既旅程就咁就完結左嚕！忽然覺得我自己人生好充實‧‧‧哈哈！