ccp好使得

睇戲途中, 婆婆慌失失來電話唔見左銀包, 要我幫佢報失. 唉......鬼咩, 成日放個包係bb車個雜物籃內, 以為用件衫遮住就無事, 我次次見到都覺得好牙煙, 叫佢小心, 點知就出事喇. 好彩損失唔算大, 身份證,回鄉證,百達通,提款卡及百幾蚊現金. 好彩佢平時唔用credit card, 否則仲煩. 好彩買左保險, 打去ccp報失, 佢話要報警, 之後所有補領乜證乜卡嘅費用都實報實鎖, 即時可到任何一個港鐵服務站領取一張新百達通, 跟住可以買個新銀包, 最高賠償額係$900, 嘩, 又幾好噃, 成機換個新包. 但損失嘅現金就無得賠. 保險嘅野, 唔買無事, 買左就有事, 唔到你唔信. 咁多年都未買過呢類保險, 兩個月前買左, 就用得著, 真係合時. 記得當時個SALES游說我, 我即時拒絕, 話無咁嘅需要, 從來未試過唔見銀包. 跟住串我: 小姐, 你仲有咩要考慮呢, 每日只須$0.7就保你同家人所有證件同卡. 補領一張卡閑閑地都幾舊啦! 又係噃, 一年二百幾蚊啫, 我未試過唔見銀包, 但其他大頭蝦屋企人都有可能唔見, 補領費用都唔少, 買個保障都好. 一日$0.70就保障到3個人廿幾張卡, 抵呀! 哈...仲可以換個$900以內嘅新銀包.

數小時後, 當婆婆冷靜落黎, 再三回想每一個細節動作, 跟住話原來匆忙中將銀包放左落裝被膠袋, 然後連被一起收入柜桶. 失憶, 唔記得, 以為係街俾人扒左. 吹脹