先輩結婚系列第一彈 - 慧怡

星期六出席咗我可愛o既先輩-慧怡o既婚禮，慧怡好靚好fit呀, of course仲一貫咁sweet同cute啦~

鵰兄就睇得出佢好緊張囉， 笑得好生硬，又成日望o黎望去，佢個樣已經係細路樣o架啦, 好攪笑, 哈哈~~

見到慧怡同阿鵰兄咁幸福，真係登佢好開心呀, 係度再一次恭喜佢地~~

到依家其實都冇咩實感慧怡做咗人老婆，始終佢又後生，又唔係真係有咩大變化o掛，希望佢可以一直保持到呢份少女o既感覺啦，哈哈~~

當晚飲o既時候又有玩睇報紙搵示愛廣告，今次我又係好快就搵到出o黎，仲同alana衡咗上台攞禮物，

今次o既禮物全圍有份, 獲利回吐，萬歲~~~

之次tony o個次我又拎到獎，睇o黎我玩呢個遊戲都幾有天份, 嘻嘻~  

每次去完婚禮，見到人地咁開心，都有少少想結婚o既衝動，不過呢個念頭每次都好快就閃走。

我想像唔到自己做同佢地相同o既o野，而且我又冇咩親戚，硬係覺得攪唔到人地咁熱鬧咁，

anyway, 到真係有得嫁先算啦....