新飯煲-ELITE RICE COOKER

唔經唔覺用左P字頭電飯煲6,7年,  因為個西施內鍋又花左, 要換第二次.......點知換左煲好飯個底仲有飯變黃又硬, 雖然未至於係飯焦,  食左又難消化, 次次咁掉法, 真係好浪費,本來心想一係唔買, 一買就買個最"好", 都係P字頭日本製, 貪佢鍋身厚,  但價錢仲"好"

諗來諗去, 一個"好"電飯煲真係要咁貴?  四出打聽完, 又去SHOP"巡視"下, 足足睇左兩個月,  繼續忍忍忍, 唔買住,  既然唔買索性唔睇佢...........果然唔睇一陣就有新款......終於俾我等到係啦, 雖然唔係 歐洲呀, 日本生產, 但見佢個內鍋同功能足已滿足我需求.......原價 $9xx, 扣左老公張咭績分後 $5xx個大洋 ,  唔洗20分鐘就拍板.....希望佢唔會令我失望啦~

煮第一鍋軟飯仔俾細佬做午餐, 用快煮, sticky, rice texture soft 2碗份量, 原來快煮都要30分鐘喎.....

效果好滿意, 一粒硬飯黏底都冇,  成煲飯效果好均勻,  細佬仲好快食晒.....到夜晚餐飯,  用快煮,  normal, rice texture normal , 30分鐘,  阿女又話好好食.....仲差老公, 最快要星期五先試到啦~~