穿Prada的惡魔後遺症持續發作

上文提到今季買了好幾雙鞋，但其實除此以外，我最近仲買了：

１）新電話　－　W850i，成4K。不過又係個句，千金難買心頭好，搵左好耐先有呢部似樣Ｄ的機買。本來都有人叫我唔好買Sony Ericsson Ｄ機，而且上網Ｄ人又激讚N75，不過見到九尾狐用又真係令我好卻步，有陣時真係唔可以唔靠外表的。

２）新電話繩　－　實在唔買唔得，太似我了。 不過好KICK手，部電話掛得一個電話繩，但我就有成抽。一個保學業進步，要遲Ｄ先可以唔掛；一個係獅子，我之星座；一個剛提過，是我個頭；最可以唔掛的就只有那個今年6月在日本買的天使BB，但唔掛電話都唔知可以掛邊......結果都係互纏咁掛住先。（不過昨日百老滙ＤSales都讚佢地得意可愛啊！尤其是我最新買那個呀！！)

３）新衫　－　因為要幫Pool做婚宴MC，基本上都諗好點著：毛毛Tube Top＋裙＋新鞋，不過想再買件閃閃的披肩點綴下，費事咁寡，話晒都係喜事嘛。結果，當然係買多左好幾件啦，仲一二三第二日就著了。至於閃閃披肩就......forget it!~~~或者可以再諗過著咩既

４）新diary　－　日版水森亞土，已是第三本水森了。不過仍是較鍾意前年在日本購入的首本。當然去年那本都好有紀念價值，是少女組們特意送給我呢。

５）新內衣　－　咁又$500了。唉！

６）新鞋again？雖然之前話今年新鞋儲備經已足夠，但見到對鞋咁靚，真係忍唔住。況且款式又好唔同，價錢亦合理：真皮長Boot$799 from Morgan; 漆皮高跟銀橡根$4xx from b+ab，當然要去試下啦......都唔知好唔好彩，一對雙腿太粗唔好看，一對無size，結果唔駛買。

７）新銀牌　－　刻了新名，掛手鍊，好明顯係functional，細細個就要成＄150。不過無計，為左終生幸福，頂住先都要了。

８）新eye gel　－　原先的之前用了幾次就放下，結果近日諗住用番就變左色，全瓶掉了。所以咪同Jeff一齊去買過囉！不過遇到個儍儍地又幾誠實的Sales。Jeff就當然買去dark circle的Dark Shadow啦！我就諗住試下另一支叫Eye Believe的，諗住潤下對眼。個Sales介紹時話可以去幼紋，我心諗：是但啦！叫做搽下，話晒掉了佢們咁多年都無乜理，係時候對佢地好Ｄ了。點知個Sales話：呢支可以去幼紋，不過你都無......果刻真係忍唔住笑出來。Jeff就立即話：咁唔駛買啦！不過我份人好nice的，知道誠實的人都要食飯，所以我最後都買了。

９）最後，應該係新袋。不過它們都是之前買落，終於等到天氣凍Ｄ有得用。所以本項目不在本月賬單。Heehehehe

１０）唔知幾時有新老闆呢！？

唉，我仲要去北京同泰國呀！！真係要收手啦......