Rachel VS 梁朝偉

今日係Master同學Rachel的好日子，今朝差不多半班同學都去了觀禮, 出席情況比joe leung堂還要勁。雖然今晚要燒野食，但都著得靚靚咁去，最多咪帶衫換，都算唔話得啦！

今次係我第一次到註冊處以外的地方觀禮，感覺一般。臨走時，仲聽到Rachel個ED話應該安排朋友同事影相先，親戚就可以遲一點，仲話呢D就係management了。唉！

之後一班同學去左飲茶食lunch。其實上左咁耐堂，除左之前兩次evaluation dinners + 上次無端端飲野 + 上星期阿歡蛋糕 + canteen偶遇外，都好少一大班人一齊食飯。

之後就返工的返工，返家的返家，我就同Michael同Jeff去左食甜品。一出酒樓，Michael就架上墨鏡，梁朝偉又出現了！！！老實講，佢都真係幾型。夏天係梁朝偉，冬天穿上乾濕褸就變成向左走、向右走的金成武。除外表外，佢仲好錫老婆添……佢話晚上無論如何都會同她一齊上床睡，情願待她入睡後才再起床，晒細心的事，我諗好多人都唔會諗到，諗到亦做唔到。對住佢，都咪話唔心動。