Hollow唔到的Square

今年中秋佳節，正是我SD Retreat的日子，本來諗住會好悶，結果卻令人喜出望外。Yeah~~~

節目第一部份就是由營職員帶領我地團隊遊戲，雖然有一半遊戲之前都玩過，但仍然好好玩，我好投咁玩，仲玩到唔捨得營職員走。而且，遊戲當中更真是可以表露人的真性情，我當然就是一名儍既出色的leader啦　成功咁帶領我組勝出兩rounds，不過最重要還是有一群乖巧和任我擺佈的組員同事，而且仲教懂我分別到五邊形同六邊形，多謝晒！　而自稱有外展經驗兼對遊戲和ABC好熟的KM就慘敗收場，佢根本同leader 或 leadership完全無任何關係，只是有破壞無建設。惟一可以睇得出佢係社工的，就是佢可以將一Ｄ本來微不足道的point講到好重要咁。不過這個技能佢只會用來抬高自己，無中生有咁稱讚自己的功勞。

這節目另一成功之處，是有大肚Elsa的配合，因為佢做observer，令到我地知道一Ｄ得佢先看到的行為表現。但在此先讓我交代一下劇情的發展......第三round職員要求我地兩組合併，一齊做出另一圖形，而同事們亦繼續派遣我做leader，我玩得咁高興當然無問題啦。但今次有個限制是過程中不能說話。我一開始就爬去執起條繩，然後逐一分給圍成圓圈的各組員，冷不防條繩原來打了個結製造難度，到分到第４個組員時才發現。咁就惟有發揮少女組領班的本能，嘗試將條繩解開，但另一邊竟然有人捉著繩子與我鬥力，由於不能作聲，我只好再發揮我運動員同儍既本色，拼命地拉和起飛腳及瘋婦般大力用腳踏地，希望可以把繩奪回，結果當然失敗啦！最後當然利用我緊餘的急才和聰穎，順應情況，任由繩子打結，希望可以較短的長度做用要求圖形。此外，由於好難分別各人的手，結果我惟有"委屈"地用手由頭開始摸下他/她們的身以分開每個人，嚇到佢地死，諗起都好笑。可惜最後還是失敗，因為真的沒有想過繩子變得很短，好難掌握到圖形的size以及各條邊線的長度。

Debriefing時間來了，Elsa劈頭第一句就是 "大部份人都好合作，站著等leader分配繩子，但ＫＭ就自己好快咁出來找繩子......雖然leader好努力嘗試解結，但卻出現爭繩的情況......" 　Wow！好明顯Elsa係唔知有心定有意咁將KM擺上枱，展露佢鍾意表現自己，攪亂檔的特質。

不過好戲在後頭，午飯過後，由KM領導大家先做半小時熱身遊戲，再繼續討論。一早都對佢沒有什麼期望，但點都估不到是玩十多塊的七巧板，Cool down遊戲似Ｄ囉。我本人一向都唔多鍾意這玩意　不過今次例外。而且呢個Cool down遊戲最終都發揮佢Warm up的功能，令各人(除主持人外)熱血沸騰，將全日的團結和氣份推到頂點。點解！？因為有雪糕食囉。

遊戲要求每組在限定時間內併出一個中空正方形(Hollow Square)。一開始，KM就問我組需唔需要提示，不過要加一分鐘。我當然立即把握機會鬧佢啦......"走開啦，唔要呀！"　時間一分一秒咁過，去到第３次我組終於要求提示了，但最後還是失敗。而且亦沒有一組可在限定時間內完成任務。阿角可能都覺得唔訓氣，竟然半講笑咁要求KM示範如何併出Hollow Square。可惜呢個笑真係唔講得，接著立刻引來全場的起哄，KM想推都推不掉，可笑是佢原來無答案旁身，只好靠佢的豬腦併命地併。剛才好得閑咁問我地要唔要提示的佢，一下子變得六神無主，難為非常。我地呢班吱吱咋咋的滋事份子更在旁buy time大玩"火燒後欄"，笑得我牙骹酸痛得合不上口，哭叫不得，連跑都不行。　好辛苦呀！！！

但另一邊廂的KM卻逐漸走向死亡，有苦自己知到出唔到聲。Anyway，件事點都要有個終結。玩過飽後，我地惟有給佢最後2 0秒，合力大聲地倒數......20,19,18,17,16......5,4,3,2,1,yeah~~~每人一杯haagen Dazs！！！Philip仲要加多句，"好到頭先有電話，如果唔係咪俾你浪費我20分鐘"。真係笑到唔知想點。至頂癮的還要算是見住佢手都震埋咁胡亂地併，我地越是倒數，他的手就越震。平日總愛拍video的他，今天不知為何這樣走運沒有帶攝錄機來，如果唔係，一定可以放上YouTube給全世界欣賞欣賞。

最後，我們還是到活動室進行最後一節的討論。開始前，阿全公開地交代原來我地之前是沒有安排回程交通，洽巧地查詢回程時間才發現此錯失。KM又記一"功"！

KM此天完完全全演釋了由天堂直墮地獄的外貌表徵，一早還是精神奕奕的，但經過一整天的打擊，最後就只淨下生意失敗的樣子。頭髮逢鬆，目光呆濟，滿面鬍子。想起都笑死

無論如何，今年的Retreat對我來說都是一個美好的日子，除了帶給我以上咁好的回憶外，經過一天的盡情大笑及玩樂，整個人都輕鬆不少，精神百陪。好像將積著的壓力和屈結都發洩出來，比早前的日本之旅更加見效。