"*◆二月十九．死寂年初二 _")）

　　今朝，濛濛瀧瀧間聽到媽咪係隔離房叫我同家姐，家姐行左出去睇咩事，過左一陣之後，家姐同我講媽咪佢話好凍，幫佢”禁”左三張被都仲話凍，而且佢呼吸得好急速．之後我就即刻起身過去睇下媽咪點解，見到佢臉青青，摸下個額頭又凍ｇｅ，跟住我就拿拿林走左去廚房整左個熱水袋俾媽咪，等佢冇咩涷，之後佢就訓下醒下咁，因為佢成日都咳醒，咳得好厲害，見到佢呼吸得好辛苦，但自己唔知可以做到ｄ咩，到左今晚食飯個陣，佢食唔夠一啖飯就沖左去厠所嘔，嘔完之後就好似成身冇哂力咁撻左係梳化，拎左張被出黎俾佢，等佢瞓下．見到佢咁，個心唔知點咁，佢個病越黎越嚴重，走兩步都會停底透氣，唉！我呢個做女ｇｅ可以做ｄ咩ａｒ！！！媽咪咁ｇｅ樣，但自己一ｄ都幫唔到！！！！！

　　另一方面，我自己都唔多妥，條氣管又開始發作，要好用力先可以呼吸到，曾經懷疑過我會唔會同媽咪有同一個病，因為我同佢ｄ病徵都係差唔多，算啦！橫死掂死，早ｄ死仲好！

　　好想，好想媽咪ｇｅ所有病痛都傳哂落我度，咁佢就唔駛咁辛苦啦！！！

　　今日知道左ｄ野，原來我一直都係咁失敗，而且仲係失敗得咁徹底！！！

　　好冇用ａｒ你！！！梁綺媚！！！