i love Stanley (not Mr. 勞 XD)

話說，8月20我同老公終於去左赤柱遊玩。第一站就去openrice.com介紹過o既"泗溢"食野，個咖央西多士真係好好食；另外，我覺得間野d人真係好有heart, 廚師好用心咁逐份西多士整, 就連個丁面都真係有煮過，唔會好似好多地方咁，放落水浸兩野就撈起畀你食。不過入面真係好熱，熱過出面...

之後就去Starbucks, 喺入面飲野, 互影, 打機, 聽ipod, 都幾舒服, 我幾鍾意呢間sbux, 感覺良好

跟住我地出左sbux外面一個露天地方玩自拍. 但喺我校緊部機時，有個傻仔竟然喺度係咁擺d"猛男pose"，最慘係佢唔知畀我影低哂, wahaha~~

最後，我地過左沙灘嗰邊。今次好醒帶埋沙灘蓆去，大大張可以畀2個人伸直對腳訓喺度。原來躺臥喺沙灘上，吔都唔做淨係望住個好靚o既藍天，真係好正!

不過呢個時候收到家姐電話，原來已經掛左1號波。唔係好耐之後，天色都開始轉壞lu，但我都係好滿意呢日，都算幾嘆。
唔知下次再去赤柱會係幾時，唔知幾時再可以休休閒閒咁去嘆個咖央西多...... 或者下次再去o既時候，已經有埋小朋友，一家四口咁去呢~  
~但願如此~