離晒大譜

今日我真係感到十分之離譜。事原我今天收工歸家途中（當時約八時零一分），電話響起（來電顯示，電話號碼為25137191），不用問啦當然要接電話啦！電話裡傳來一位女聲表示：「是不是曾ＸＸ先生？我是工聯會的義工，現代表香港電業工程專業人員協會打電話來俾曾先生，要曾先生係十一月十八日區議會的選舉投票俾２號王吉顯！」嘩！有冇搞錯呀！咁直接打電話比我叫我投票俾誰。我即時便回應她：「為什麼要投票俾２號王吉顯呀？」對方即時回應：「王先生是DAB的代表候選人，亦代表工聯會的！」我聽完她講完之後，即刻火到嚟埋，我回應：「有冇攪錯，妳地打電話俾我想影響我的投票決定？妳地己好像違返選舉條例，我會向政府的選舉事務署投訴妳地架！」更好笑的係她竟然講：「要投訴就向DAB或工聯會投訴。」簡直是離晒大譜！我一定會投訴！如果明天返工時係樓下見到２號候選人王吉顯，我諗我會走去同佢講，如果不是工聯會打電話來影響我投票，我諗我會投你一票，現在就打死我都唔投俾DAB 及工聯會。