風雲 II

登場人物:

無用多講, 形象深入民心既步驚雲同聶風 ~~~ 真係唔知可以搵邊個取代

第二夢 ~~~ 第二夢係一個剛柔並濟既角色, 阿Sa 能夠做到柔弱既一面但可能故事關係未能展現剛強一面! 最不滿係阿Sa 只肯係面上化上唔留意都睇唔到既疤, 同原著差得太遠 ~~~ 我唔知係邊個既主意, 如果係阿Sa 既意思, 我會好失望, 因為佢咁樣只能永遠做花瓶既角色

楚楚 ~~~ 貫徹漫畫既可有可無既花瓶角色 =0=

無名 ~~~ 亦係一個不錯既選角決定! 只係服裝方面唔知點解要一邊膊加個肩甲俾佢, 畫蛇添足, 影響無名既瀟灑影像

絕無神 ~~~ um .......... 套甲幾型law =0=

絕心 ~~~ 全劇最差選角! 我並唔係話霆鋒唔好, 只不過係睇過漫畫既都知絕心果個人唔似人鬼唔似鬼既衰樣都唔知搵阿水做好 =0=

故事:

(與漫畫原著有所不同) 絕無神與絕心兩父子(東洋人) 想侵吞中原, 風雲二人合力對抗外敵還我中華河山!!!

原以為故事簡單不過, 梗係最尾風雲二人合力打爆絕無神就玩完, 點知原來打完絕無神後風雲對決, 步驚雲大戰入魔聶風先係戲玉.

所以如果各位睇到打爆絕無神果刻覺得有d求其都唔使太失望, 因為好戲在後頭!

看後感:

1) 全劇由頭打到尾, 一d冷場都冇, 勁!!! 千萬唔好遲入場啊!!!!!

2) 今次用左一個好特別既拍攝手法去表達, 除左有大量電腦效果外, 有d movement 係用左好漫畫既方式表達, 有d background亦係電腦CG 畫上去既, 身為漫畫迷既我覺得好正!!! 不過我都有聽到有d人睇完唔buy 佢呢套 ......

3) 呢套戲唔係一般武打片咁簡單, 有好多動作畫面拍得好靚, 好唯美!!!!! um ..... 可以話有少少電影"英雄" 既原素加左入去 ~~~ 唔知講得好唔好, 可能俾你睇下兩張電影海報你會有所領會 ^^

4) 有d details 位做得好好! 不過相信要風雲迷先有所領會 ~~~

例如邪皇叫步驚雲要帶聶風入佢戰心先可以救佢, 一般人可能只見到步驚雲同聶風精神交戰, 但係風雲迷應該留意到一開始風雲係雨中交戰係因為水正代表步驚雲既排雲掌, 當時驚雲正在帶聶風入佢既戰心, 不過聶風魔性太強, 雨慢慢結冰再變成雪景, 係因為冰雪正代表聶風既冰心訣同雪飲刀~~~這正代表聶風魔性反壓步驚雲帶返佢入聶風既戰心 ~~~~ 諗起都回味 ^0^

總結: 我覺得風雲II 係今個假期必睇既電影!!! 漫畫迷更係絕不能錯過!!!!!!